یومِ آزادی پر اپنے قومی ہیروز کو یاد رکھنا چاہئے‘اداکارشان

یومِ آزادی پر اپنے قومی ہیروز کو یاد رکھنا چاہئے‘اداکارشان
 یومِ آزادی پر اپنے قومی ہیروز کو یاد رکھنا چاہئے‘اداکارشان

  

لاہور(فلم رپورٹر)پاک فلم انڈسٹری کے منجھے ہوئے اداکارشان شاہد نے قومی شخصیات اورہیروزکوزبردست الفاظ میں خراج عقیدت پیش کیا۔ سماجی رابطے کی ویب سائٹ ٹوئٹر پرانہوں نے لکھا کہ یومِ آزادی پر ہمیں اپنے قومی ہیروز کو یاد رکھنا چاہئے۔شان نے اردو کے معروف ادیب، شاعر، افسانہ نگار حبیب جالب اور احمد ندیم قاسمی کو خراج عقیدت پیش کیا۔سماجی رابطے کی ویب سائٹ ٹوئٹر پر اپنے ٹوئٹ میں انہوں نے میڈم نورجہاں کو خراج تحسین پیش کرتے ہوئے کہا کہ آپ کی آواز اب تک ہمارے کانوں میں رس گھولتی ہے اور ہمارے دل کے نہاں خانوں میں محفوظ ہے۔انہوں نے مزید لکھا کہ 1965میں میڈم جس طرح پاک فوج کے ساتھ اپنے وطن کی محبت سے سرشار ملی نغموں کے ذریعے کھڑی رہیں وہ اپنی مثال آپ ہے۔

میڈم ہماوا فخر اور وقار ہیں لیکن افسوس کہ اب ہم انہیں دیکھ نہیں سکتے۔انہوں نے شہنشاہ غزل مہدی حسن کو بھی یاد رکھا۔شہنشاہ قوالی اور موسیقی کے بے تاج بادشاہ استاد نصرت فتح علی خاں کو بھی شان نے جشنِ آزادی کے موقع پر یاد کیا۔دنیائے سکواش کے عظیم ترین کھلاڑی اور سابق عالمی چیمپئن جہانگیر خان کے لئے بھی ٹوئٹ کیا۔قومی ہاکی ٹیم کے کپتان اور ہاکی کے مایہ ناز کھلاڑی سہیل عباس کو بھی خراج تحسین پیش کیا۔قومی ہیروز کا ذکر ہو اور ماضی کے مشہور اداکار اور چاکلیٹی ہیرو کا خطاب پانے والے رومینٹک ہیرو وحید مراد کا تذکرہ نہ ہو ناممکن سی بات ہے۔پاکستان فلم انڈسٹری میں کئی کامیاب فلموں میں لازوال کردار ادا کرنے والے لیجنڈ اداکار محمد علی کو بھی خراجِ عقیدت پیش کیا۔

مزید :

کلچر -