بہتر ورکنگ ریلیشن کا انحصار حکومتی روئیے پر ،پہلے بات مان لیتی تو یوٹرن نہ لینا پڑتا

اے این پی کے مرکزی رہنما زاہد خان نے کہا ہے ہم نے تو پہلے بھی حکومت کو مشورہ دیا تھا وہ اپوزیشن لیڈر کا بطور چیئرمین پی اے سی فوری طور پر تقرر کردے لیکن ہر اچھی بات پی ٹی آئی کو دیر سے ہی سمجھ میں آتی ہے اگر پی ٹی آئی پہلے دن ہی ان کا تقرر کردیتی تو آج اسے یو ٹرن نہ لینا پڑتا ۔وہ ایشو آف دی ڈے میں بات کررہے تھے ،انہوں نے کہا اپوزیشن نے تو ہمیشہ بہتر ورکنگ کی کوشش کی ہے لیکن میڈیا اور اس کی پریس گیلری اس بات کی گواہ ہے ہر اجلاس میں حکومتی وزراء میں سے کوئی نہ کوئی اجلاس کے ماحول کو خود خراب کرنے کی کوشش کرتا ہے بہتر ورکنگ ریلشن شپ کا انحصار حکومت کے اپنے روئیے پر ہے ۔