” جب ہم نے اقتدار سنبھالاتو چند اداروں کی جانب سے مشورہ آیا تیاری مکمل ہے ، سیاسی مخالفین کیخلاف کیسز کھولیں“

” جب ہم نے اقتدار سنبھالاتو چند اداروں کی جانب سے مشورہ آیا تیاری مکمل ہے ، ...
” جب ہم نے اقتدار سنبھالاتو چند اداروں کی جانب سے مشورہ آیا تیاری مکمل ہے ، سیاسی مخالفین کیخلاف کیسز کھولیں“

  

اسلام آباد، لندن (ڈیلی پاکستان آن لائن) حکومت سے الگ ہونے کے ساتھ ہی مسلم لیگ ن کی مرکزی قیادت سمیت کئی رہنمازیرعتاب آگئے اور مقدمات کا سامنا کررہے ہیں جبکہ نوازشریف کے دونوں صاحبزادے  حسن اور حسین نواز  سمیت سابق وزیرخزانہ اسحاق ڈار اشتہاری قراردیئے جاچکے ہیں لیکن اب لندن میں مقیم سابق وزیر خزانہ اسحاق ڈار نے انکشاف کیا ہے کہ اُنہیں بھی بڑی آفرز دی گئیں کہ فلاں پارٹی کیخلاف ہمارا بہت کچھ ہے ، آئیں اور کریں لیکن نوازشریف نے صاف انکار کردیاااور کہاکہ معیشت کو ٹھیک کرنے دیں۔

یہ ویڈیو شیئرکرتے ہوئے اسحاق ڈار کے صاحبزادے علی ڈار نے اسحاق ڈار کا ہیش ٹیگ استعمال کرتے ہوئے لکھا”ہم نے بھی جب اقتدار سنبھالا تو چند اداروں کی طرف سے مشورہ آیاکہ سیاسی حریفوں کے خلاف کیس کھولے جائیں اداروں کی تیاری مکمل ہےلیکن میاں صاحب نے صاف انکار کیا ،ہماری اولین ترجیح معاشی استحکام تھا جو الحمد للہ ہم لائے لیکن بدقسمتی کہ ملک کو چند عناصر نے ڈی ریل کر دیا“۔

اسحاق ڈا رنے کہاہے کہ آج جو چیزیں برآمد کی جارہی ہیں ان میں سے 60سے 65فیصد چیزیں درآمد شدہ ہوتی ہیں، پاکستان میں مہنگائی کا طوفان کھڑا کردیا ہے، 30 سے 90 فیصد چیزوں کی قیمتوں میں اضافہ کردیا ہے،اشیائے ضروریہ کے اخراجات بڑھ گئے اور ایسا زیادہ عرصہ نہیں چل سکتا، خدا کے لیے ملک پر رحم اور معیشت کو درست کریں، سیاسی انتقام کو ایک طرف رکھیں ۔ان کاکہناتھاکہ” ہمیں بڑی آفرز تھیں، آئیں فلاں پارٹی کے پاس ہمارابہت کچھ ہے ، آئیں اور کریں ، میاں نواز شریف نے صاف انکار کیا کہ ہمیں ملک کی اکانومی کو ٹھیک کرنے دو“، چائنہ کو دیکھو ،چین نے جب ترقی کی تو سب اس کی طرف دیکھ رہے تھے، بدقسمتی ہے میں سمجھتا ہوں پاکستان جس کو  جی 20 میں جانے میں کچھ عرصہ باقی تھا لیکن اب معیشت کو اتنا براقراردیدیاگیاکہ آج دوبارہ17جون تک پہنچنے تک پہلے سے دگنی کاوش کرنی پڑے گی ۔

                                                                                                                                                                                            ...ویڈیو دیکھئے.... 

                                                                                                 

مزید :

علاقائی -پنجاب -لاہور -برطانیہ -