کراچی کے ڈاکٹروں کو بھی نہیں چھوڑیں گے،وکلا کی دھمکی

کراچی کے ڈاکٹروں کو بھی نہیں چھوڑیں گے،وکلا کی دھمکی

  



کراچی(اسٹاف رپورٹر)شہرقائد کے وکلا کی جانب سے ڈاکٹروں کو دی جانے والی دھمکی کی تازہ ویڈیو وائرل ہو گئی جس میں انہوں نے کہا ہے کہ کراچی کے ڈاکٹروں کو بھی نہیں چھوڑیں گے۔چند روز قبل پنجاب میں شروع ہونے والی وکلا اور ڈاکٹروں کی لڑائی کراچی پہنچ گئی، کراچی بار کے الیکشن کے موقع پر کراچی کے وکلا کی ایک ویڈیو سوشل میڈیا پر وائرل ہوئی ہے جس میں وہ ڈاکٹروں کو دھمکیاں دیتے نظر آتے ہیں۔ویڈیو میں چند کالے کوٹ پہنے افراد جو اپنے آپ کو وکیل ظاہر کر رہے ہیں، ان کا کہنا ہے کہ لاہور میں وکلا کی جانب سے ڈاکٹروں کو جواب دینے کا عمل بہت اچھا تھا۔اس ویڈیو میں ایک کالے کوٹ میں ملبوس نوجوان نے کہاکہ پہلے ڈاکٹروں نے حملہ کیا تھا اور انہیں ہماری طرف سے جواب دیا گیا ہے، کہیں کا بھی اسپتال ہو، سرکاری ہو یا غیر سرکاری ہم ڈاکٹروں کو نہیں چھوڑیں گے، یہ ملک وکلا نے بنایا ہے ڈاکٹروں نے نہیں۔ان وکلا نے کہاکہ ڈاکٹروں، پولیس اور کسی نے بھی وکلا کے خلاف کوئی بھی قدم اٹھایا تو پاکستان کے کسی بھی اسپتال میں گھس کر ڈاکٹروں کو ماریں گے، وکلا پر حملے کی مذمت کرتے ہیں۔اسی ویڈیو میں ایک اور کالے کوٹ میں ملبوس نوجوان نے کہاکہ ہم ان وکلا کو خوش آمدید کہتے ہیں جنہوں نے ڈاکٹروں اور پولیس والوں کو مارا ہے، انہوں نے بہت اچھا کیا ہے۔ویڈیو میں ایک اور وکیل نے کہا کہ جن وکلا نے ڈاکٹروں کو مارا ہے ہم ان کی سپورٹ میں کراچی سے نکل رہے ہیں اور کل لاہور کا کوئی ڈاکٹر اور کوئی اسپتال نہیں بچے گا۔ویڈیو بنانے والے نوجوان وکیل نے کہا کہ ہم کراچی میں ڈاکٹروں کو نہیں چھوڑیں گے اور اگر یہ ڈاکٹر اور پولیس پروٹیکشن چاہتے ہیں تو ہم سے معافی مانگیں، ہم کراچی بار کے الیکشن میں مصروف ہیں اور زیادہ ضرورت ہوئی تو ڈاکٹروں کو جواب دیں گے۔

مزید : صفحہ آخر


loading...