شمالی وزیرستان، خودکش حملہ، شہری جاں بحق، سکیورٹی اہلکاروں سمیت14افراد زخمی

 میرانشاہ (مانیٹرنگ ڈیسک)شمالی وزیرستان کے علاقے میرانشاہ میں خودکش حملے میں ایک شہری جاں بحق اور سکیورٹی فورسز کے اہلکاروں سمیت 14 افراد زخمی ہوگئے۔شمالی وزیرستان کے ہیڈکوارٹر میرانشاہ کے بازار میں موٹر سائیکل سوار خود کش حملہ آور نے خود کو سکیورٹی فورسز کی گاڑی سے ٹکرادیا۔ڈسٹرکٹ پولیس آفیسر فرحان خان کے مطابق میرانشاہ بازار میں ملک حاجی نور الدین شہید  چوک میں سکیورٹی فورسز پر خودکش حملے میں ایک شہری شہید اور سکیورٹی فورسز کے اہلکاروں سمیت 14 افراد زخمی ہوئے۔زخمیوں کو ڈسٹرکٹ ہیڈکوارٹر ہسپتال میرانشاہ منتقل کر دیا گیا ہے، واقعے کے بعد سیکیورٹی فورسز نے علاقے کو گھیرے میں لیکر سرچ آپریشن شروع کر دیا۔ 

خودکش حملہ