"ماہرہ خان سے پہلے شاہ رُخ خان کیساتھ فلم ’رئیس‘ مجھے آفر ہوئی تھی"، ایمان علی
کراچی(ڈیلی پاکستان آن لائن)پاکستانی شوبز انڈسٹری کی معروف اداکارہ ایمان علی کا کہناہے کہ "بالی وو ڈ کنگ شاہ رخ خان کے ساتھ فلم "رئیس" ماہرہ خان سےپہلے اُنہیں آفر ہوئی تھی"۔
سوشل میڈیا پر اداکارہ ایمان علی کا ایک انٹرویو کلپ خوب وائرل ہورہا ہے جس میں معروف میزبان عفت عمر , ایمان علی سے بھارت سے آنے والی فلم آفر کا ذکر کر رہی ہیں۔عفت عمر کی جانب سے پوچھے گئے ایک سوال کے جواب میں اداکارہ کا بتانا ہے کہ "مجھے بالی ووڈ سے کسی کی کال آئی اور کہا کہ وہ مجھے شاہ رخ خان کے ساتھ فلم "رئیس" میں کردار آفر کر رہے ہیں، اس پر میں نے ان سے کہا کہ وہ مجھے سکرپٹ بھیج دیں، لیکن شاید ان کو میرا سکرپٹ مانگنا پسند نہیں آیا۔ جب انہوں نے اپنے دوستوں کو یہ بتایا کہ انہوں نے شاہ رخ خان کی فلم کے لیے سکرپٹ مانگا تو سب حیران ہو گئے اور ان سے کہا کہ وہ پاگل ہیں جنہوں نے اتنا بڑا موقع اپنے ہاتھ سے گنوا دیا".
عفت عمر نے کہا کہ "شاہ رُخ خان کے ساتھ فلم کرنے کا موقع کون گنواتا ہے". جس پر ایمان علی کا کہنا تھا کہ "چاہے فلم شاہ رُخ خان کے ساتھ ہو یا کسی کے بھی ساتھ ہو اس سے فرق نہیں پڑتا، سٹوری اچھی ہونی چاہیے فلم اچھی ہونی چاہیے تب ہی میں کام کروں گی۔جو مجھے ملنا ہے اور جو میرے لئے ہے وہ مجھے اللہ ضرور دے گا"۔
View this post on Instagram
