عمران خان کو اسمبلیاں توڑنے کی صورت میں کیا دھمکی دی گئی ہے؟ عمران ریاض کا تہلکہ خیز دعویٰ
لاہور (ڈیلی پاکستان آن لائن) اینکر پرسن عمران ریاض خان نے دعویٰ کیا ہے کہ اسمبلیاں توڑنے کی صورت میں پاکستان تحریک انصاف (پی ٹی آئی) کے چیئرمین عمران خان کو نا اہل کرنے کی دھمکی دی گئی ہے۔ اپنے ایک ٹویٹ میں انہوں نے لکھا "اگر اسمبلیاں تحلیل کیں تو نااہل کر دیا جائے گا۔ عمران خان کو واضح دھمکی والا پیغام۔"
اگر اسمبلیاں تحلیل کیں تو نااہل کر دیا جائے گا۔ عمران خان کو واضح دھمکی والا پیغام
— Imran Khan (@ImranRiazKhan) December 15, 2022
اسی حوالے سے صحافی صابر شاکر نے بھی ایک ٹویٹ کیا ہے جس میں انہوں نے سوال اٹھاتے ہوئے کہا کہ اگر اسٹیبلشمنٹ غیر سیاسی ہوچکی ہے تو پھر عمران خان کو نااہل کرنیکی دھمکیاں کون دے رہا ہے؟
اگر اسٹبلشمنٹ Apolitical ہے تو عمران خان کو نااہل کرنیکی دھمکیاں کون دے رہا ہے؟؟
— Sabir Shakir (@ARYSabirShakir) December 15, 2022
خیال رہے کہ عمران خان نے کچھ عرصہ پہلے پنجاب اور خیبر پختونخوا اسمبلیاں توڑنے کی دھمکی دی تھی۔ بعد انہوں نے کہا کہ وہ 17 دسمبر کو دونوں اسمبلیاں تحلیل کرنے کی تاریخ دیں گے۔
