پاکستان کا زمین سے زمین پر مارکرنیوالے ابدالی حتف ٹو میزائل کا کامیاب تجربہ
راولپنڈی(مانیٹرنگ ڈیسک) پاکستان نے زمین سے زمین پر 180کلومیٹر تک مار کرنے والے ایٹمی بیلسٹک میزائل ابدالی کا کامیاب تجربہ کرلیا۔آئی ایس پی آر کے مطابق ابدالی حتف ٹو میزائل 180 کلو میٹر تک اپنے ہدف کو نشانہ بنا سکتا ہے جبکہ ابدالی میزائل روائتی کے ساتھ ساتھ ایٹمی ہتھیار لے جانے کی بھی صلاحیت رکھتا ہے۔چیئرمین جوائنٹ چیفس آف سٹاف کمیٹی جنرل خالد شمیم وائیں نے جدید ہتھیاروں کو استعمال کرنے کی صلاحیت پر متعلقہ ٹیم کو مبارک باددی اور کہا کہ مسلح افواج ہر قسم کی جارحیت کا مقابلہ کرنے کی صلاحیت رکھتی ہیں جبکہ صدر اور وزیر اعظم نے کامیاب تجربہ پر سائنسدانوں اور انجینیئروں کو خراج تحسین پیش کیا ۔
