کوہاٹ میں تیل و گیس کا نیا ذخیرہ دریافت ، یومیہ 195بیرل تیل نکلے گا
لاہور(آن لائن) پاکستان آئل فیلڈز نے ٹل کے مقام پر تیل و گیس کا نیا ذخیرہ دریافت کر لیا ہے۔پاکستان آئل فیلڈز کے جاری اعلامیہ کے مطابق کمپنی نے خیبرپختونخوا کے ڈسٹرک کوہاٹ میں ٹل کے مقام پر تیل وگیس کا نیا ذخیرہ دریافت کر لیا ہے۔ ابتدائی نتائج کے مطابق ذخیرے سے یومیہ 195 بیرل تیل جبکہ 5 اعشاریہ 6 ایم ایم سی ایف ڈی گیس نکل رہی ہے۔ماہرین کے مطابق پاکستان میں توانائی بحران پر قابو پانے کے لئے جہاں تیل و گیس درآمد کی جاری ہے وہاں اس قسم کی دریافت سے تیل وگیس کی طلب کو پورا کرنے میں کچھ مدد ضرور ملے گی۔
