سر سے 2 منٹ میں 38 کیلیں ٹھونکنے کا عالمی ریکارڈ

سر سے 2 منٹ میں 38 کیلیں ٹھونکنے کا عالمی ریکارڈ

  

روم(مانیٹرنگ ڈیسک)امریکی پہلوان اور کھلاٹی جان فیرارونے صرف دو منٹ میں اپنے سر کی ضربوں سے 38 کیلیں ٹھونکنے کا ایک نیا ریکارڈ قائم کر دیا۔ فیرارو نے اٹلی کے ایک گیم شو میں اپنے سر سے کیلیں ٹھونکنے کا یہ نیا ریکارڈ بنایا ہے، انہوں نے، ٹریننگ، تیاری اور توجہ کو اس کامیابی کی وجہ قرار دیا ہے۔فیرارو کا نام اب گنیز بک آف ورلڈ ریکارڈ میں شامل کیا گیا اور انہیں 2 منٹ میں اپنی کھوپڑی سے سب سے زیادہ کیلیں ٹھونکنے والا‘ کھلاڑی قرار دیا گیا ہے۔ فیرارو کو ’’ہتھوڑا‘‘ سر والا بھی کہا جاتا ہے اور اس سے پہلے وہ ایک منٹ میں اپنے سر سے سب سے زیادہ کیلیں ٹھونکنے والا کھلاڑی کا اعزاز بھی اپنے نام کرچکے ہیں۔فیرارو کا کہنا ہیکہ دماغ مادے سے زیادہ طاقتور ہے اور کئی مرتبہ وہ سر پر گہرے زخم کھا چکے ہیں لیکن انہیں قدرت کی جانب سے ایک تحفہ حاصل ہے یعنی ان کی کھوپڑی عام افراد کے مقابلے میں 10 ملی میٹر زیادہ موٹی ہے۔ عام افراد کی پیشانی کی ہڈی ساڑھے 6 ملی میٹر تک موٹی ہوتی ہے مگر فیرارو کی کھوپڑی 16 ملی میٹر موٹی ہے۔

مزید :

راولپنڈی صفحہ آخر -