شرجیل اور خالد کو اپنا اپنا بیان ریکارڈ کرانے کا موقع دے رہے ہیں ،آرمی چیف کے بیان پر ان کا شکریہ ادا کیا :شہریار خان

شرجیل اور خالد کو اپنا اپنا بیان ریکارڈ کرانے کا موقع دے رہے ہیں ،آرمی چیف کے ...
شرجیل اور خالد کو اپنا اپنا بیان ریکارڈ کرانے کا موقع دے رہے ہیں ،آرمی چیف کے بیان پر ان کا شکریہ ادا کیا :شہریار خان

  

لاہور (ڈیلی پاکستان آن لائن )پاکستان کرکٹ بورڈ کے چیئر مین شہریار خان نے کہا ہے کہ شرجیل خان اور خالد لطیف کو اپنا اپنا بیان دینے کا موقع دیا جا رہا ہے،ان کے بیانات کے بعد ٹربیونل بنانے کا فیصلہ کریں گے ۔ان کا کہنا تھا کہ پی ایس ایل فائنل لاہور میں کرانے کے لیے پر عزم ہیں ،آرمی چیف کے بیان کے بعد انہیں فون کر کے شکریہ ادا کیا ۔

”ہر قیمت پر پی ایس ایل کا فائنل کھیلنے لاہور جاﺅں گا“ کیا لاہور قلندرز کے کپتان برینڈن میکالم نے واقعی یہ دبنگ اعلان کر دیا؟ حقیقت سامنے آ گئی

لاہور میں میڈ یا سے گفتگو کرتے ہوئے انہوں نے کہا کہ شرجیل خان اور خالد لطیف کو بیان ریکارڈ کرانے کا موقع دیا جا رہا ہے ،اگر ان کھلاڑیوں نے اعتراف کر کے مکمل بات نہ بتا ئی تو پھر ٹربیونل بنانے کا فیصلہ کریں گے ۔ان کا کہنا تھا کہ آرمی چیف جنرل قمر جاوید باجوہ نے پی ایس ایل کے فائنل کے حوالے سے فول پروف سیکیورٹی کو یقینی بنانے سے متعلق بیان دے کر زبر دست کام کیا ،اس بیان کے بعد فون کر کے آرمی چیف کا شکریہ ادا کیا ۔ان کا کہنا تھا کہ کرپشن سکینڈل میں ملوث کھلاڑیوں کو زیادہ سے زیادہ سزا ہو گی تاکہ آئندہ کوئی ایسی حرکت نہ کر سکے ۔گول میز کانفرنس ملتوی ہونے سے متعلق سوال پر انہوں نے کہا کہ لاہور دھماکے کے بعد دباﺅ تھا کہ ابھی گول میز کانفرنس ملتوی کردیں ،کچھ دنوں تک اسلام آباد ،لاہور اور کراچی جا کر تمام لوگوں کو راضی کروں گا تاکہ گول میز کانفرنس کا انعقاد کیا جا سکے۔انہوں نے مزید کہا کہ آئی سی سی کے کچھ فارن سیکیورٹی آبزرورز بھی پاکستان آ رہے ہیں ۔

مزید :

کھیل -