پنجاب ہیلتھ کیئر کمیشن کی انسیپکشن مہم ، 21آپریشن تھیٹر میں کام بند کروادیا

پنجاب ہیلتھ کیئر کمیشن کی انسیپکشن مہم ، 21آپریشن تھیٹر میں کام بند کروادیا

  

لاہور(جنرل رپورٹر)پنجاب ہیلتھ کیئر کمیشن نے اپنی انسیپکشن کی جاری مہم کے دورا ن صوبہ کے مختلف ضلعوں کے19ہسپتالوں کے21آپریشن تھیٹرزمیں صفائی کے غیر تسلی بخش انتظامات ہونے پر ہر قسم کی سرجری کی سہولیات معطل کردیں اور35ہسپتالوں کو فراہمی صحت کی سہولیات کے کم سے کم معیارات پر عمل درآمد نہ کرنے پر اظہار وجوہ کے نوٹسز بھی جاری کردیے۔ان میں سے لاہور کے 11ہسپتال بھی شامل ہیں۔ مزیدبرآں19ہسپتال ایسے بھی ہیں جنہیں میڈیکل فضلا ت کوٹھکانے لگانے کے درست انتظامات نہ ہونے پرنوٹسز جاری کیے گئے ہیں۔پنجاب ہیلتھ کیئر کمیشن کی ٹیموں نے دوروز میں لاہور، ننکانہ صاحب، گجرانوالہ،چکوال،اٹک، بہاولپور،بہاولنگر ،بھکر، لودھراں،گجرات،مظفرگڑھ،اوکاڑہ،سیالکوٹ،وہاڑی،ساہیوال،نارووال،مظفرآباد،اورجہلم میں36سرکاری اور نجی ہسپتالوں کا معائنہ کیاگیا۔ان میں سے15ہسپتالوں کے ایک ایک اور تین ہسپتالوں کے دودو آپریشن تھیٹر میں سرجر ی روک دی گئی ہے۔ان ہسپتالوں کوپنجاب ہیلتھ کیئر کمیشن نے یہ حکم بھی دیاہے کہ ان تمام تھیٹرزمیں صفائی کے انتظامات معیار کے مطابق یقینی بنائے جائیں اورپنجاب ہیلتھ کیئر کمیشن کو لیبارٹری رپورٹ بھجوائی جائے۔یاد رہے کہ کمیشن جنوری سے اب تک 310ہسپتالوں کا معائنہ کر چکاہے،جن میں 235آپریشن تھیٹرز میں صفائی کے انتظامات درست ہونے تک سرجری روکی گئی ہے۔ کل ملا کر 265ہسپتالوں کو سہولیات کے کم سے کم معیارات پر عمل درآمد نہ کرنے پر نوٹس جاری کیے گئے ہیں۔

مزید :

میٹروپولیٹن 1 -