سابق کپتان نے بابراعظم سے اوپننگ کروانے کی مخالفت کردی
لاہور (ویب ڈیسک) قومی ٹیم کے سابق کپتان و ڈائریکٹر محمد حفیظ نے بابراعظم کو چیمپئینز ٹرافی میں بطور اوپنر کھلانے کی مخالفت کردی۔
ایکسپریس نیوز کے مطابق سہ ملکی سیریز میں پاکستان نے تین میچز کھیلے جس میں بابراعظم نے فخر زمان کے ساتھ اوپننگ کی تاہم وہ کچھ خاص نہ کرسکے، انہوں نے تینوں نے اننگز میں بالترتیب 10، 23 اور 29 کے معمولی اسکور بنائے۔
قبل ازیں سلیکشن کمیٹی نے چیمپئینز ٹرافی اسکواڈ کا اعلان کیا تو انجرڈ صائم ایوب کی جگہ کہنا تھا اوپننگ کیلئے بابراعظم یا سعود شکیل کو موقع دیا جائے گا تاہم سہ ملکی سیریز میں بابر اوپننگ کرتے نظر آئے۔
سابق کپتان محمد حفیظ نے بابراعظم کی حالیہ فارم کو دیکھتے ہوئے مشورہ دیا کہ سلیکشن کمیٹی کو چاہیے وہ اسٹار بیٹر کو نمبر 3 پر کھلائیں اور عبداللہ شفیق، امام الحق یا شان مسعود کو چیمپئنز ٹرافی 2025 کیلئے فخر زمان کیساتھ اوپن کروائیں اور اسکے لیے چیزیں آسان بنائیں۔
دوسری جانب چیمپئینز ٹرافی کا آغاز 19 فروری سے پاکستان اور نیوزی لینڈ کے درمیان میچ سے ہوگا جبکہ ایونٹ کا فائنل 9 مارچ کو کھیلا جائے گا۔
پاکستان کا چیمپئینز ٹرافی اسکواڈ:
محمد رضوان (کپتان)، بابراعظم، فخر زمان، کامران غلام، سعود شکیل، طیب طاہر، فہیم اشرف، خوشدل شاہ، سلمان علی آغا (وی سی)، عثمان خان، ابرار احمد، حارث رؤف، محمد حسنین، نسیم شاہ اور شاہین شاہ آفریدی۔
