پشاور کے بیشتر سرکاری اور پرائیویٹ سکولوں کی چاردیواری نہیں، آئی جی خیبر پختونخوا

پشاور کے بیشتر سرکاری اور پرائیویٹ سکولوں کی چاردیواری نہیں، آئی جی خیبر ...

  

پشاور(آئی این پی )انسپکٹر جنرل پولیس خیبر پختون خوا ناصر خان درانی نے کہا ہے کہ شہر کے بیشتر سرکاری اور پرائیویٹ اسکول چاردیواری سے عاری ہیں، حکومت کو بتا دیا ہے کہ مناسب سکیورٹی انتظامات کے بعد ہی یہ اسکول کھولنے کی اجازت دی جائے۔بدھ کوگورنمنٹ ہائی اسکول سٹی نمبر 2 پشاور کے دورے کے بعد میڈیا سے گفت گو کرتے ہوئے آئی جی نے کہا کہ سکیورٹی انتظامات کی بہتری میں وقت لگے گا۔ان کا کہنا تھاکہ دہشت گردی کے خلاف جنگ ہم سب کی ہے،سب نے مل کر لڑنا ہوگا۔ناصر خان درانی نے کہا کہ بچوں کو کہہ دیا ہے کہ اپنے اردگرد اور گلی محلے پر نظر رکھیں۔ناصر خان درانی نے کہا کہ دہشت گردوں کے ساتھ جنگ میں پولیس کے بارہ سو جوان شہید ہوچکے ہیں۔ نواجوں کے حوصلے بلند ہیں وہ امن کی بحالی کے لئے کسی قربانی سے دریغ نہیں کریں گے۔ انسپکٹر جنرل پولیس نے فرنٹیئر کالج پشاور کا بھی دورہ کیااور سیکیورٹی انتظامات کا جائزہ لیا۔

مزید :

علاقائی -