انسداد ڈینگی مہم، اقبال ٹاؤن میں 76ہزار سے زائد مقامات کی چیکنگ

لاہور (جنرل رپورٹر) ایڈمنسٹریشن اقبال ٹا ؤ ن زون کے کمیٹی روم میں انسداد ڈینگی کے حوالے سے اجلاس منعقدہوا۔ اجلاس کو بتایا گیا کہ حکومتی ہدایت پرا قبال ٹا ؤن زون کے تمام سکولوں میں ڈینگی کے حوالے سے طلباء میں آگاہی مہم جاری ہے۔جس کے خا طر خواہ نتائج برا آمد ہوئے۔انہوں نے کہا کہ ا قبال ٹا ؤن زون کی یونین کونسلوں میں15967 انڈور سپاٹس اور 58611 کنٹینرز جبکہ2323آؤٹ ڈور مقامات کوبھی چیک کیا گیا۔ زون بھر میں صفائی کے انتظامات کو فوقیت دی جا رہی ہے تاکہ ڈینگی لاروا کی افزائش کو کنٹرول کیا جا سکے ۔ صفائی نصف ایمان کو موٹو بنائے بغیراصل مقاصد حاصل کرنا نا گزیرہے۔ حکومت نے بہترین حکمت عملی سے لاہور و دیگر مقامات پر ڈینگی لاروے کو کنٹرول کر کے نئی تاریخ رقم کی ہے۔ ڈینگی لاروے کی افزائش کو کنٹرول کر نے کے لئے تیز تر اقدامات عمل میں لانا وقت کی اہم ضرورت ہے۔ تمام کو آپریٹو و پرائیویٹ ہاؤسنگ سو سائٹیوں کا اینٹی ڈینگی انتظامات کے سلسلہ میں معائنہ کر کے رپورٹ باقاعدگی سے پیش کی جا رہی ہے۔ ٹاؤن بھر میں ڈینگی کو موسم کی بدلتی کیفیات پر تیزی سے کنٹرول کیا جا رہا ہے۔ تما م یونین کونسلیں اپنے اپنے علا قوں میں واقع قبرستانوں میں صفائی انتظامات کی متواتر چیکنگ کریں۔
ڈینگی مہم