بھارتی سفیر کے اکاﺅنٹ پر پاکستان کا پرچم، ایسی ٹوئیٹ کردی گئی کہ بھارت میں طوفان آگیا
نئی دہلی (ڈیلی پاکستان آن لائن) اقوام متحدہ میں بھارت کے سفیر سید اکبرالدین کے ٹوئیٹر اکاﺅنٹ پر پاکستان کے پرچم اور پاکستانی صدرممنون حسین کی تصویر لگادی گئی جس پر بھارت میں ہنگامہ برپاہوگیا اور بعدازاں دعویٰ کیاگیاکہ اکبرالدین کا اکاﺅنٹ ہیک ہوگیا اور ہیکر ز نےیہ تصاویر لگائیں ۔
بھارتی میڈیا کے مطابق ہیکروں نے بھارتی سفیر کا ٹویٹر اکاونٹ اتوار کی شام کو ہیک کیا اور اس پرپاکستان کا پرچم اور وہاں کے صدر ممنون حسین کی تصویر پوسٹ کر دی اور دلچسپ بات یہ ہے کہ مصدقہ اکاﺅنٹ ہونے کی نشاندہی کرنے والا نیلا نشان بھی اس وقت غائب کر دیاگیا۔
بعدازاں ٹوئیٹر اکاﺅنٹ بحال کرلیاگیا اور ہیکنگ کے دوران کی جانیوالی ٹوئیٹس بھی ڈیلیٹ کردی گئیں ۔
وزارت داخلہ کے اعداد و شمار کے مطابق 2016 میں ملک میں کل 199 سرکاری ویب ہیک کی گئیں۔ سال 2013 سے لے کر 2016 کے درمیان اب تک ملک میں 700 سے زائد سرکاری ویب سائٹس کی ہینگ ہو چکی ہے۔ گزشتہ سال جنوری میں قومی سیکورٹی گارڈز کی ویب سائٹ ہیک کر لی گئی تھی تاہم سیکورٹی کو سنگین خطرہ دیکھتے ہوئے کمپیوٹر ایمرجنسی ریسپانس ٹیم نے فوراہی ویب سائٹ کو بلا کر دیا تھا۔
