بی کام پارٹ ون، ٹو کے امتحان2020 کیلئے داخلہ فیسوں کا شیڈول

بی کام پارٹ ون، ٹو کے امتحان2020 کیلئے داخلہ فیسوں کا شیڈول

  



لاہور (لیڈی رپورٹر)پنجاب یونیورسٹی شعبہ امتحانات نے بی کام پارٹ ون اور پارٹ ٹو سالانہ امتحان2020ء کیلئے داخلہ فارم و فیس جمع کرانے کا شیڈول جاری کر دیا ہے۔ شیڈول کے مطابق، بی کام پارٹ ٹو سالانہ امتحان2020ء میں شرکت کے لیے(ریگولر امیدواروں) کے لیے داخلہ فارم سنگل فیس کے ساتھ جمع کروانے کی آخری تاریخ بذریعہ ڈاک4-3-20 اور دستی فارم جمع کروانے کی آخری تاریخ9-3-20 ہے جبکہ ڈبل فیس کے ساتھ داخلہ فارم بذریعہ ڈاک11-3-20 اور دستی فارم17-3-20 تک جمع کروائے جا سکتے ہیں۔بی کام پارٹ ون اور پارٹ ٹو سالانہ امتحان2020(لیٹ کالج امیدواروں) کے لیے سنگل فیس کے ساتھ داخلہ فارم جمع کرانے کی آخری تاریخ4-3-20 (بذریعہ ڈاک) اور9-3-20 (دستی) جبکہ ڈبل فیس کے ساتھ داخلہ فارم جمع کرانے کی آخری تاریخ11-3-20 (بذریعہ ڈاک) اور 17-3-20(دستی) ہے۔ بی کام پارٹ ون اور پارٹ ٹو میں کمپارٹمنٹ کے حامل (پرائیویٹ امیدواروں) کے لیے سنگل فیس کے ساتھ داخلہ فارم جمع کرانے کی آخری تاریخ12-3-20 (بذریعہ ڈاک) اور19-3-20 (دستی) جبکہ ڈبل فیس کے ساتھ داخلہ فارم جمع کرانے کی آخری تاریخ19-3-20 (بذریعہ ڈاک) اور26-3-20(دستی) ہے۔ تفصیلات پنجاب یونیورسٹی کی ویب سائٹ www.pu.edu.pk پر بھی دیکھی جا سکتی ہیں۔

مزید : میٹروپولیٹن 1