”خواجہ سرا کی وبا سے پانچ بچے جاں بحق“، نیوزکاسٹر کی ایسی غلطی کہ جان کر آپ بھی ہنس ہنس کر لوٹ پوٹ ہو جائیں گے

”خواجہ سرا کی وبا سے پانچ بچے جاں بحق“، نیوزکاسٹر کی ایسی غلطی کہ جان کر آپ ...
”خواجہ سرا کی وبا سے پانچ بچے جاں بحق“، نیوزکاسٹر کی ایسی غلطی کہ جان کر آپ بھی ہنس ہنس کر لوٹ پوٹ ہو جائیں گے

  



لاہور(ڈیلی پاکستان آن لائن)ٹیلی ویژن پر لائیو ٹرانسمیشن کے کئی سائیڈ ایفیکٹس ہوتے ہیں، ایک چھوٹی سی غلطی کئی لوگوں کیلئے تفریح کا باعث بن سکتی ہے۔ایسی ہی ایک غلطی نجی ٹی وی چینل آج کی ایک نیوز کاسٹر سے سرزد ہوگئی،دوران خبرنامہ انہوں نے خسرہ کی بیماری کو خسرا سمجھ لیا اور خسراکو شاید نامناسب لفظ سمجھتے ہوئے خواجہ سرا کہتے ہوئے خبر پڑھ ڈالی۔

اس کلپ کو سینئر صحافی اسلم ملک نے اپنے سوشل میڈیا اکاونٹ پر پوسٹ کیا ہے۔

خبر کچھ یوں تھی کہ شہر میں خسرہ کی وبا شدت اختیار کرگئی ہے  اور خسرہ کی وجہ سے پانچ بچے جاں بحق ہوگئے  جبکہ موصوفہ نے اسے خسرا سمجھتے ہوئے خبر کچھ یوں پڑھی  کہ' شہر میں خواجہ سرا کی وبا  شدت اختیار کرگئی ہے خواجہ سراکی وبا سے پانچ بچے جاں بحق ہوگئے۔

ان کی غلطی پر کچھ لوگوں نے قہقہے لگائے ہیں تو کئی لوگوں نے تاسف کااظہاربھی کیا ہے. رومانہ ناصر لکھتی ہیں کہ پہلے تو وہ یہ پڑھ کر ہنسیں لیکن اب انہیں اس پر دکھ محسوس رہا ہے۔

مومنہ رحمان نے کہا'سر یہ ٹی وی اینکز انتہائی غلط اردو بولتے ہیں، اور یہ ایک واقعہ نہیں۔ پتہ نہیں کیوں ایسے جاہلوں کو خبریں پڑھنے کیلئے بٹھا دیا جاتا ہے۔

اعجاز احمد نے کہا'میں روز دیکھتا ہوں کہ ۔۔۔۔ نیوز کاسٹر ایسی بہت سی غلطیاں کرتی ہیں۔۔۔معلوم نہیں نیوز کاسٹرز/سکرپٹ رائٹرز کی کوالیفکیشن کا کیا معیار ہے'

ریحان حیدر کے مطابق' کاپی ایڈیٹر نے خسرہ کو خسرے لکھا تھا'

آکاش مغل نے یہ کہہ کر بات نمٹائی کہ 'داغ دہلوی نے تو بہت پہلے کہہ دیا تھا :

نہیں کھیل اے داغ یاروں سے کہہ دو

کہ آتی ہے اردو زباں آتے آتے

لیکن یہاں تو کچھ زیادہ ہی ہوگیا

مزید : ڈیلی بائیٹس