وہ لمحہ جب خاتون ٹینس پلیئر کی دوران میچ سانس رکنے لگی،ویڈیو وائرل
میلبورن(ڈیلی پاکستان آن لائن)آسٹریلیاکے جنگلوں میں لگی خوفناک آگ کے اثرات پورے ملک میں محسوس کئے جانے لگے،گزشتہ روز میلبورن پارک میں آسٹریلین اوپن کا کوالیفائنگ میچ کھیلتی ٹینس کی ایک کھلاڑی دوران میچ سانس رک جانے کی وجہ سے کورٹ میں ہی گھٹنے کے بل گرگئیں۔سوشل میڈیا پروائرل ان کی ویڈیو دیکھ کر لوگ اظہارافسوس کررہے ہیں۔
سکائی نیوز کے مطابق سلوانیہ سے تعلق کھنے والی دلیلہ جیکووپوک اپنا کوالیفائنگ راونڈ کھیل رہی تھیں کہ اچانک دھواں اور گھٹن ان کے اعصاب پر چھاگیا، انہوں نے میچ چھوڑ دیا اور وہیں کورٹ میں ہی کھانستے ہوئے گرگئیں۔
A tennis player who "couldn't breathe" collapsed with a coughing fit on court as smoke from bushfires affected the #AustralianOpen.
— Sky News (@SkyNews) January 15, 2020
Slovenian player Dalila Jakupovic was forced to retire from her qualifying match and was helped from the court.
Read more: https://t.co/g6xjolDG9g pic.twitter.com/ToAQx3w7Dh
صورتحال کے پیش نظر ان کے کوچ اور طبی عملے نے ان کی مدد کی اور انہیں کورٹ سے محفوظ مقام پر منتقل کردیا۔دلیلہ سوئٹزرلینڈ کی سٹیفنی ووئیگل کیخلاف میچ کھیل رہی تھیں۔ بعدازاں میڈیا سے گفتگو کرتے ہوئے انہوں نے بتایا کہ وہ بے حد خوفزدہ ہوگئی تھیں، انہیں نہ تو استھما ہے نہ ہی کبھی سانس لینے میں کوئی مسئلہ ہوا ہے، بلکہ انہیں تو گرمی پسند ہے۔
انہوں نے کہا کہ یہ ناانصافی ہے کہ حکام نے انہیں اس موسم اور تکلیف دہ ماحول میں کھیلنے کاکہا۔
واضح رہے کہ آسٹریلیا میں ہونے والی اس خوفناک آتشزدگی میں اٹھائیس افراد اور لاکھوں جانور ہلاک ہوچکے ہیں جبکہ تین ہزار کے قریب گھر بھی تباہ ہوئے ہیں۔