ٹرانسفر سیکرٹریز کا جنوبی پنجاب کی ترقی میں اہم رول،ثاقب ظفر

ٹرانسفر سیکرٹریز کا جنوبی پنجاب کی ترقی میں اہم رول،ثاقب ظفر

  

ملتان (سپیشل  رپورٹر)ایڈیشنل چیف سیکرٹری ساوتھ پنجاب کیپٹن ر ثاقب ظفر کی جانب  سے جنوبی پنجاب سیکرٹریٹ سے  ٹرانسفر ہونیوالے ایڈمنسٹریٹر سیکرٹریز کے اعزاز میں الوداعی تقریب منعقد کی گئی۔یہ تقریب  ٹرانسفر ہونیوالے سیکرٹریز عثمان علی خان، عدنان ارشد اولکھ، اجمل بھٹی، الطاف بلوچ،آفتاب پیرزادہ اور رانا رضوان قدیر کے علاوہ ڈاکٹر ذیشان حنیف اور عثمان منیر کے اعزاز میں منعقد کی گئی۔تقریب میں جنوبی پنجاب کے تمام محکموں کے ایڈمنسٹریٹیو (بقیہ نمبر1صفحہ6پر)

سیکرٹریز،کمشنر ڈاکٹر ارشاد احمد اور ڈپٹی کمشنر عامر کریم خان نے  بھی شرکت کی۔ایڈیشنل چیف سیکرٹری ساوتھ پنجاب کیپٹن ر ثاقب ظفر نے تقریب سے اپنے  خطاب میں ٹرانسفر ہونیوالے افسران کی خدمات کو خراج تحسین کیا اور کہا جنوبی پنجاب سیکرٹریٹ کو نئی بنیادوں پر استوار کرنے میں ٹرانسفر ہونیوالے سیکرٹریز کا اہم کردار ہے۔انہوں نے کہا کہ ٹرانسفر ہونیوالے افسران جنوبی پنجاب سیکرٹریٹ کے پائنیئر ہیں جنہوں  نے مشکل حالات میں بہترین کارکردگی کا مظاہرہ کیا۔کیپٹن ثاقب ظفر نے کہا کہ انہیں اپنی ٹیم پر فخر ہے۔انہوں نے کہا کہ جنوبی پنجاب سیکرٹریٹ دن بدن ترقی کی منازل طے کررہا ہے۔ایڈیشنل چیف سیکرٹری نے جانیوالے افسران کے لئے نیک خواہشات کا اظہار  کیا اور نئے افسران کو خوش آمدید کہا۔

تبدیل

مزید :

ملتان صفحہ آخر -