آسٹریلیا کا جوکووچ کو ملک سے بے دخل نہ کرنے کا اعلان

  آسٹریلیا کا جوکووچ کو ملک سے بے دخل نہ کرنے کا اعلان

  

کینبرا(نیٹ نیوز) آسٹریلیا نے ٹینس سٹار نوواک جوکووچ کو ملک سے بے دخل نہ کرنے کا اعلان کیا ہے۔میڈیا رپورٹ کے مطابق حکومتی وکیل نے کہا ہے کہ آسٹریلیا نوواک جوکووچ کو ملک سے بیدخل نہیں کرے گا۔ رپورٹ کے مطابق حکومتی وکیل نے مزید کہا کہ ٹینس اسٹار کو مقدمے کا فیصلہ ہونے تک ملک سے نہیں نکالا جائے گا۔انہوں نے یہ بھی کہا کہ جوکووچ کو امیگریشن حکام کے سامنے پیش ہونے سے پہلے حراست میں بھی نہیں لیا جائے گا۔خبرایجنسی کے مطابق آسٹریلیا نے ٹینس اسٹار نوواک جوکووچ کا ویزا دوسری بار منسوخ کیا ہے۔خبر ایجنسی کے مطابق جوکووچ کے وکلاء  نے ویزا منسوخی کے خلاف عدالت میں حکم امتناعی کی درخواست جمع کرادی۔

مزید :

کھیل اور کھلاڑی -