کراچی میں کورونا کے وار خطرناک حد تک بڑھ گئے ، مثبت کیسز کی شرح 35 فیصد سے تجاوز کر گئی
کراچی ( ڈیلی پاکستان آن لائن ) کراچی میں کورونا کیسز تشویشناک حد تک بڑھنے لگے ، کراچی میں کورونا کے مثبت کیسز کی شرح 35 فیصد سے بھی تجاوز کر گئی ہے ۔
نجی ٹی وی جیو نیوز کے مطابق شہر قائد میں گزشتہ روز 8 ہزار 63 افراد کے کورونا ٹیسٹ کئے گئے جن میں سے 35.30 کیسز کی رپورٹ مثبت آئی ۔ یعنی 2 ہزار 846 افراد کا کورونا ٹیسٹ مثبت آیا ۔
وزیر اعلیٰ سندھ سید مراد علی شاہ نے کراچی میں پھیلتے کورونا کے باعث صوبائی ٹاسک فورس کا اجلاس آج طلب کیا ہے ۔
