بیرسٹر امجد ملک کے کامیاب دورہ پاکستان پر صدر مسلم لیگ (ن) آسٹریا کی مبارکباد
ویانا (اکرم باجوہ) چیف کوآرڈینیٹر انٹرنیشنل افئیرز پاکستان مسلم لیگ (ن)بیرسٹر امجد ملک کے پاکستان کا کامیاب دورہ کرنے پر صدر مسلم لیگ ن آسٹریا چوہدری علی شرافت کی بیرسٹر امجد ملک کو ٹیلی فون پر مبارکباد۔
تفصیلات کے مطابق وزیر خزانہ اور صدر انٹرنیشنل افیئرزسینیٹر اسحاق ڈار سے چیف کوآرڈینیٹر انٹرنیشنل افئیرز بیرسٹر امجد ملک نے وزارت خزانہ میں ملاقات کی جس میں اوورسیز پاکستانیوں کی فلاح و بہبود کیلئے مختلف تجاویز پر تبادلہ خیال کیا گیا ، ہفتہ کو ہونے والی ملاقات میں مسلم لیگ (ن )کی اوورسیز میں تنظیم نو کی پراگریس کا جائزہ اور تمام ممالک میں تنظیم سازی مکمل کرنے کا فیصلہ اورسابق وزیراعظم میاں نواز شریف کی قیادت پر مکمل اعتماد کیا گیا ۔
ملاقات میں اوورسیز پاکستانیوں کی فلاح و بہبود کیلئے تجاویز پر تبادلہ خیال بھی کیا گیا، ملاقات میں گلف میں مقیم تارکین وطن کے لئے مشین ریڈ ایبل پاسپورٹ اور شناختی کارڈ کی موجودگی میں اضافی نیکوپ کارڈ کی شرط کا خاتمہ اوورسیز پاکستانیوں کیلئے اضافی فون کی ٹیکس فری سہولت پاکستان کرکٹ بورڈ کی طرز پراوورسیز پاکستانیز فاونڈیشن کا نیا بورڈ بھی تشکیل دینے کی درخواست کی اور اسی لاکھ اوورسیز پاکستانیوں کی پارلیمان میں نمائیندگی انکے جائز مطالبات کا حل اور اسلام آباد میں انٹرنیشنل کانفرنس کے انعقاد کی سفارش کی گئی ۔
 آسٹریا کی مبارکباد ){kind=link}