نیشنل ایکشن پلان مدارس کیخلاف، مدرسے نہ ہوتے تو نظریہ پاکستان دفن ہوجاتا: فضل الرحمن

  نیشنل ایکشن پلان مدارس کیخلاف، مدرسے نہ ہوتے تو نظریہ پاکستان دفن ہوجاتا: ...

  IOS Dailypakistan app Android Dailypakistan app

                                                                        وہاڑی (مانیٹرنگ ڈیسک)سربراہ جمعیت علما اسلام مولانا فضل الرحمان نے کہا ہے کہ اگرمدارس نہ ہوتے تونظریہ پاکستان دفن کردیا جاتا۔وہاڑی میں میڈیا سے گفتگو کرتے ہوئے مولانا فضل الرحمان نے کہا کہ ہم نے سروں پرپگڑیاں سرجھکانے نہیں اونچا کر نے کے لیے پہنی ہیں، علما کرام کیخلاف بے بنیاد پروپیگنڈا کیا جاتا ہے۔انہوں نے کہا کہ مذہبی قیادت نے ہمیشہ ہم آہنگی کوآگے بڑھایا، اگرمدارس نہ ہوتے تونظریہ پاکستان دفن کردیا جاتا، ہمیں نشانہ بنایا گیا لیکن انہیں کچھ نہیں کہا جوتعصبات پھیلاتے ہیں۔سربراہ جمعیت علما اسلام نے کہا کہ شرعی عدالت کے فیصلوں کوکوئی اہمیت نہیں دی جاتی، شرعی عدالت کا اپنا جج چیف جسٹس نہیں بن سکتا، ہم سود کے خاتمے کی آئینی ترمیم لانے میں کامیاب ہوئے، 26ویں ترمیم میں سود کے خاتمے نے شر عی عدالت کوطاقت دی ہے۔مولانا فضل الرحمان نے مزید کہا کہ نیشنل ایکشن پلان دینی مدارس کے خلاف ہے، کیسے قبول کر لوں، جبکہ بلوچستان کے حوالے سے گفتگو کرتے ہوئے انہوں نے کہا کہ بلوچستان کا مریض آج بھی علاج کے لیے کراچی جاتا ہے، اس طرح ملک نہیں چلے گا، یہ ملک ہمارا ہے، تمہارے رحم وکرم پر نہیں چھوڑ سکتے۔

فضل الرحمن

مزید :

صفحہ اول -