گوگل پے مارچ کے وسط   پاکستان میں لانچ ہوگا

 اسلام آباد(این این آئی)گوگل پے پاکستان میں لانچنگ کیلئے تیار ہے جس کی تاریخ سامنے آگئی۔میڈیا رپورٹس کے مطابق گوگل پے پاکستان میں رواں برس مارچ 2025کے وسط تک شروع ہونے کی توقع ہے جس کا مقصد ملک کے بڑھتے ہوئے ڈیجیٹل ادائیگی کے ماحولیاتی نظام کو بڑھانا ہے۔نئی سروس پاکستانی صارفین کو بینک سے جاری کردہ ڈیبٹ اور کریڈٹ کارڈز کو گوگل پے سے لنک کرنے کی اجازت دے گی جو کہ محفوظ اور فوری کنٹیکٹ لیس ادائیگیوں کی سہولت فراہم کرے گی۔رول آؤٹ کو ویزا، ماسٹرکارڈ، مختلف مقامی بینکوں اور مالیاتی اداروں کے ساتھ شراکت داری کے ذریعے سپورٹ کیا جائے گا۔صارفین اپنے ڈیبٹ اور کریڈٹ کارڈز کو گوگل والیٹ ایپلیکیشن کے ذریعے جوڑ سکیں گے جس سے ہم آہنگ ادائیگی کے ٹرمینلز پر کنٹیکٹ لیس لین دین ممکن ہو گا۔گوگل پے کو لانچ کرنے کی تیاریاں تیزی سے جاری ہیں جس کیلئے 4سے 6مالیاتی ادارے ضروری تکنیکی ضروریات پوری کرنے کے لیے ویزا اور ماسٹر کارڈ کے ساتھ تعاون کر رہے ہیں۔

گوگل