القادرٹرسٹ کیس میں سہولت کاری آ صف زرداری نے کی،علیمہ خان 

 راولپنڈی(آئی این پی)بانی پی ٹی آئی کی بہن علیمہ خان نے کہا ہے کہ 190 ملین پاؤنڈ کیس میں سہولت کاری آصف زرداری نے کی مگر سزا عمران خان کو دی جارہی ہے، عمران خان کی اگر سہولت کاری ہے تو اس پر جواب نواز شریف کو بھی دینا ہوگا۔اڈیالہ جیل کے باہر گفتگو کرتے ہوئے کہا کہ بانی چاہتے ہیں کہ سزا سنائیں اسکے بعد ہم ہائیکورٹ میں لیکر جائیں جن کے اوپر کیس بننا چاہیے وہ عمران خان نہیں دیگر لوگ ہیں کیونکہ یہ معاملہ انگلینڈ میں طے ہوا تھا بانی پی ٹی آئی تیار ہیں وہ کیسزکا سامنا کریں گے، عمران خان نے ایک سوال پوچھا ہے جس کیس میں عمران خان کو سزا دینے کی کوشش کررہے ہیں، کبھی کہتے ہیں بانی نے چوری کرلیے انگلینڈ کی ایجنسی نے کہا کہ یہ چوری کے پیسے نہیں تھے یہ پراپرٹی ٹائیکون نے حسن نواز کو رشوت دی تھی، نواز شریف کو جواب دینا چاہیے کہ کیوں رشوت لی؟۔ این سی اے نے سوال اٹھایا کہ یہ اتنے پیسے کہاں سے آئے ہیں؟ این سی اے نے قرار دیا کہ یہ چوری یا منی لائنڈرنگ کے پیسے نہیں ہیں، پراپرٹی ٹائیکون نے این سی اے سے ڈیل کی کہ یہ پیسے واپس لے جاتا ہوں پھر وہ پیسے پاکستان آئے جس سے اربوں روپے فائدہ ہوگیا جو جرمانہ عائد کیا گیا اس کی سہولت کاری آصف زرداری نے کی مگر عمران خان کو سزا اس لیے دی جارہی ہے کہ ادارہ کیوں بنایا، باوہ پریشان ہیں کہ فلاحی ادارہ ہے جس سے بانی کو کوئی فائدہ نہیں ہورہا، ان کو سزا دینے میں بڑی مشکل پیش آرہی ہے یہ بھول جائینگے کہ اتنے آرام سے سزا دے دیں گے، جب عمران خان باہر آئیں گے تو آپ سب دیکھ لیں گے۔

علیمہ خان