جامعات میں نشے کے عادی طلبہ کے خلاف کارروائی خوش آئند ہے ، یاور عباس

جامعات میں نشے کے عادی طلبہ کے خلاف کارروائی خوش آئند ہے ، یاور عباس

  



لاہور(ایجوکیشن رپورٹر)امامیہ اسٹوڈنٹس آرگنائزیشن پاکستان کے مرکزی سیکرٹری تعلیم یاور عباس نے جامعات میں نشے کے عادی طلبہ کے خلاف کارروائی کو خوش آئند قراردیا ہے انہوں نے کہا کہ معاشرے کا بہترین طبقہ اخلاقی قدر کھوچکا ہے اور نشے سمیت دیگر غیر اخلاقی سرگرمیوں میں ملوث ہوچکا ہے یہ طلباء اور جامعات کے ماحول کے لئے خطرے سے خالی نہیں ہے نشے میں مبتلا یونیورسٹیز کے سیکڑوں طلبہ کی زندگی داؤ پر لگ چکی ہے آئے روز میڈیا پر آنے والی رپورٹس سے یہ ظاہر ہوتا ہے کہ جامعات میں طلبا ء طالبات میں نشے کا استعمال بڑھتا جارہا ہے حکومت کو اس حوالے سے عملی اقدامات اٹھانے چاہئے ۔یاور عباس کا کہنا تھا کہ تعلیم کے ساتھ ساتھ تربیت بھی نوجوان طبقہ کے لئے ضروری عمل ہے لیکن بدقسمتی سے کالجز یونیورسٹیز میں اس کا فقدان پایا جاتا ہے اگر طلبہ کی اخلاقی تربیت کی جاتی تو وہ ایسی مضر سرگرمیوں میں ملوث نہ پائے جاتے تاہم سینٹ کی جانب سے ایسے طلبہ کے خلاف کارروائی کا فیصلہ خوش آئند ہے ۔

مزید : میٹروپولیٹن 4