پی ٹی آئی کا(ن) لیگ کے مقابل سیاسی طاقت کا مظاہرہ کرنے کا فیصلہ

پی ٹی آئی کا(ن) لیگ کے مقابل سیاسی طاقت کا مظاہرہ کرنے کا فیصلہ

لاہور(آئی این پی) تحریک انصاف نے مسلم لیگ (ن) کے صدر محمد شہباز شریف کی جانب سے لاہور کے مختلف حلقوں میں انتخابی مہم کے سلسلہ میں طوفانی دوروں اور 13جولائی کی ریلی کے بعد سیاسی طاقت کا مظاہرہ کرنے کا فیصلہ کر لیا ، عمران خان دو روز لاہور میں قیام کرکے 16 سے زائد مقامات پر خطابات کریں گے۔ذر ائع کے مطابق تحریک انصاف نے مسلم لیگ (ن) کی قیادت کی جانب سے بھرپور انتخابی سر گرمیوں کے بعد لاہور پر فوکس کرنے کا فیصلہ کیا ہے ۔ عمران خان 18اور 19جولائی کو لاہور میں قیام کر کے بھرپور انتخابی سر گرمیاں کریں گے ۔ عمران خان لاہور کے مختلف حلقوں میں16مقامات پر اجتماعات سے خطاب کریں گے ۔ بتایا گیا ہے کہ عمران خان کو ریلی کی صورت میں لے جایا جائے گا جس کا روٹ روٹ طے کرنے کیلئے مشاورت جاری ہے۔

سیاسی طاقت

مزید : علاقائی