نواز شریف اور مریم کی جیل منتقلی پر دکھ اور افسوس ہوا،چودھری نثار

نواز شریف اور مریم کی جیل منتقلی پر دکھ اور افسوس ہوا،چودھری نثار

اسلام آباد (این این آئی) مسلم لیگ (ن) کے سینئر رہنما چودھری نثار علی خان نے کہا ہے کہ نواز شریف کی اڈیالہ جیل منتقلی میرے لئے دکھ کا باعث ہے، مجھے تکلیف ہو ئی،اللہ کسی دشمن کو بھی جیل نہ دکھائے، میں نے ہمیشہ مخلص ہو کر نواز شریف کو اسی دن سے بچنے کیلئے مشورے دیئے۔اڈیالہ جیل کے قریب علاقے میں کارنر میٹنگ سے خطاب کرتے ہوئے انہوں نے کہا کہ نواز شریف اور ان کی صاحبزادی مریم نواز کی گرفتاری پر دکھ اور افسوس ہے ، اس سے مجھے تکلیف ہوئی، میرا مسلم لیگ سے 34 سال کا تعلق ہے،ہم 12 سے 14 افراد نے مسلم لیگ (ن) بنائی تھی تاہم یہ جماعت بنانے والے افراد نواز شریف سے الگ ہو گئے لیکن صرف میں نواز شریف کے ساتھ کھڑا رہا۔ میں نے ہمیشہ ان سے مخلص ہوکر ان کو مشورے دیئے اور اسی دن سے بچنے کیلئے انہیں فوج اور عدلیہ سے لڑائی نہ کرنے کا مشورہ دیا تھا، قوم آج فیصلہ کرے کہ کیا نواز شریف کو میرا مشورہ غلط تھا؟انہوں نے کہا کہ اللہ تعالیٰ کسی دشمن کو بھی اڈیالہ جیل نہ دکھائے۔

چودھری نثار

مزید : کراچی صفحہ اول