”6ارب ڈالر جرمانے کی کیا اوقات ہے ؟ ہم نے تو ۔۔۔“، ریکوڈک کیس میں جرمانے پر حسن نثارکا تہلکہ خیز تجزیہ

اسلام آباد (ڈیلی پاکستان آن لائن)تجزیہ کار حسن نثار نے کہا ہے کہ آدھا ملک دیئے ہوئے عشرے گزر گئے ، اس کا کبھی حساب کتاب ہی نہیں کیا ، ریکوڈک کیس میں 6ارب ڈالر جرمانے کی کیا اوقات ہے ؟
جیونیوز کے پروگرام ”رپورٹ کارڈ“میں گفتگو کرتے ہوئے حسن نثار نے کہا کہ مسئلہ یہ ہے کہ ڈیلی میل میں خبر آنے پر شہبازشریف نے بڑھک ماری ہے ، اب وہ عدالت میں جائیں ، اگر کلین چٹ مل جاتی ہے تو ٹھیک ہے نہیں تو چور ہیں۔
انہوں نے کہا کہ مجھے تو یہ چور نظر آرہے ہیں ، اب ان کو لندن عدالت میں مقدمہ کرنا چاہئے اور وہاں سے کلین چٹ لیکر آنی چاہئے ۔ ریکوڈک کیس میں ہونیوالے جرمانے کے حوالے سے سوال پر حسن نثار کا کہنا تھا کہ آدھا ملک دیئے ہوئے عشرے گزر گئے ، اس کا کبھی حساب کتاب ہی نہیں کیا ، 6ارب ڈالر کی کیا اوقات ہے ؟یہ سارے کرتوت ہمارے ملک کے وجود میں آنے سے پہلے بیان کئے جاچکے ہیں، ریکوڈک کیس میں بھی وہی لاعلمی ہے ، معلومات کی کمی ہے ، بس منہ اٹھا کے فیصلہ سنادیا۔