منشیات کیس ،اے این ایف ٹیم کی جیل میں رانا ثناءاللہ سے تفتیش
لاہور (ڈیلی پاکستان آن لائن)اے این ایف کی تفتیشی ٹیم نے منشیات کیس میں مسلم لیگ ن کے رہنما رانا ثناءاللہ اور دیگر ملزمان سے جیل میں تفتیش کی ، اے این ایف نے تفتیش سے پہلے متعلقہ عدالت سے اجازت نامہ حاصل کیا تھا ۔
جیونیوز کے مطابق اے این ایف کی پانچ رکنی ٹیم نے منشیات کیس میں رانا ثنا ءاللہ اوردیگر ملزمان سے پوچھ گچھ کی ۔ اے این ایف کے ترجمان نے بتایا کہ منشیات کیس میں رانا ثناءاللہ اوردیگر ملزمان سے پوچھ گچھ ڈسٹرکٹ جیل لاہور میں کی گئی ۔ انہوں نے کہا کہ تفتیشی ٹیم کی جانب سے رانا ثناءاللہ اور دیگر ملزمان سے پوچھ گچھ متعلقہ عدالت کی اجازت لینے کے بعد کی گئی ۔