آٹے کی قیمتوں میں ایک بار پھر اضافہ،فلور ملز مالکان نے وزیر اعظم کے احکامات ہوا میں اڑادیے 

آٹے کی قیمتوں میں ایک بار پھر اضافہ،فلور ملز مالکان نے وزیر اعظم کے احکامات ...
آٹے کی قیمتوں میں ایک بار پھر اضافہ،فلور ملز مالکان نے وزیر اعظم کے احکامات ہوا میں اڑادیے 

  

کراچی(ڈیلی پاکستان آن لائن)وزیراعظم عمران خان کے آٹے کے بحران کو روکنے کے احکامات کے باوجودکراچی میں موجود فلور ملزم مالکان کی جانب سے آٹے کی فی کلو قیمت میں 6 روپے کا اضافہ کر دیا گیا،جس کے بعد آٹے کی فی کلو قیمت میں 6 روپے کا اضافہ ہو گیا ہے،شہر میں ڈھائی نمبر آٹے کی 10 کلو کی بوری 545 روپے کی ہوگئی۔

نجی ٹی وی کے مطابق فلور ملز مالکان نے فائن آٹے کی 10 کلو کی بوری 560 روپے کی کر دی جبکہ چکی کے آٹے کی 10کلو بوری 620 روپے کی ہوگئی۔گندم کی فی کلو قیمت میں 4 روپے کا اضافہ ہونے کے بعد فی کلو گندم کی قیمت 48 روپے تک پہنچ گئی۔آٹے کی قیمت میں اضافے کی وجہ گندم مہنگا ہونا بتائی جا رہی ہے۔فلورملزمالکان کا موقف ہے کہ مہنگی گندم خرید کر سستا آٹا فروخت نہیں کرسکتے،حکومت اگر اپنی قیمت پر آٹا فروخت کرانا چاہتی ہے تو ہمیں گندم بھی مقررہ نرخ پر فراہم کرے۔

مزید :

علاقائی -سندھ -کراچی -