عمران صاحب آج قوم سے معذرت کرتے کہ ۔۔۔مریم اورنگزیب نے دیامر بھاشا ڈیم کے افتتاح پر وزیر اعظم کو بھولا سبق یاد کروا دیا 

عمران صاحب آج قوم سے معذرت کرتے کہ ۔۔۔مریم اورنگزیب نے دیامر بھاشا ڈیم کے ...
عمران صاحب آج قوم سے معذرت کرتے کہ ۔۔۔مریم اورنگزیب نے دیامر بھاشا ڈیم کے افتتاح پر وزیر اعظم کو بھولا سبق یاد کروا دیا 

  

اسلام آباد(ڈیلی پاکستان آن لائن)پاکستان مسلم لیگ ن کی ترجمان مریم اورنگزیب نے کہا ہے کہ سابق وزیراعظم نواز شریف نے دیامر بھاشا ڈیم منصوبے کو عملی شکل دی جبکہ عمران صاحب آج قوم سے معذرت کرتے کہ نااہلی سے دیامر بھاشا ڈیم منصوبہ 2 سال تاخیر کا شکار کردیا۔

تفصیلات کے مطابق  وزیراعظم کی جانب سے دیامر بھاشا ڈیم کا سنگ بنیا د رکھنے پر ردعمل ظاہرکرتے ہوئے مریم اورنگزیب نے کہا کہ نوازشریف کے ملک کی ترقی کے منصوبوں کو تاخیر کا شکار بنانے کے ذمہ دار عمران صاحب ہیں، عادی منصوبہ چور پی ٹی آئی حکومت دیامر بھاشاڈیم کا کریڈٹ لینے کی کوشش کررہی ہے۔انہوں نے کہا کہ نواز شریف نے 3 سال قبل قوم کو بھاشا اور داسو ڈیم پر کام شروع ہونے کی خوشخبری دی تھی،یہ نوازشریف تھے جنہوں نے 3 سال قبل دیامر بھاشا ڈیم کی تعمیر کے مالیاتی منصوبے کی منظوری دی۔مریم اورنگزیب نے کہا کہ نوازشریف نے کھٹائی میں پڑے منصوبے کیلئے زمین کے حصول سمیت بنیادی کام کیا اور رکاوٹیں دورکیں، یہ نوازشریف تھے جن کی محنت سے آئرن برادر چین اس منصوبے میں شراکت دار بنا، جبکہ نوازشریف نے 2018 کے آخر تک منصوبے پر عملی کام شروع کرنے کی ہدایت کی تھی۔مریم اورنگزیب نے کہا کہ موجودہ حکومت نے اس اہم قومی منصوبے میں 2020 تک تاخیر کی۔

مزید :

قومی -