ایم کیو ایم پاکستان کی بلدیاتی انتخابات پر حکم امتناع کیلئے درخواست پر سماعت پیر تک ملتوی
کراچی( ڈیلی پاکستان آن لائن ) ایم کیو ایم پاکستان کی بلدیاتی انتخابات پر حکم امتناع سے متعلق درخواست پر سماعت پیر تک ملتوی کر دی گئی ۔
الیکشن کمیشن میں ایم کیو ایم پاکستان کی جانب سے درخواست پر سماعت ہوئی ، ایم کیو ایم پاکستان کی جانب سے فروغ نسیم بطور وکیل پیش ہوئے ، درخواست میں مؤقف اپنایاگیا کہ حلقہ بندیاں درست نہیں ہیں ، لہذا بلدیاتی انتخابات پر حکم امتناع دیا جائے ۔
الیکشن کمیشن نے پوچھا کہ بلدیاتی انتخابات کب ہیں؟ بیرسٹر فروغ نسیم نے جواب دیاکہ بلدیاتی انتخابات 24 جولائی کو ہیں ، ہمیں عبوری حکم چاہیے ۔
الیکشن کمیشن کی جانب سے کہا گیا کہ ہمیں دوسرے فریق کو نوٹس کرنا ہوگا ، الیکشن کمیشن نے درخواست پر سماعت پیر تک ملتوی کر دی ۔