قیام امن ،شفاف الیکشن کا انعقاد اولین ترجیح ،آئی جی سندھ

قیام امن ،شفاف الیکشن کا انعقاد اولین ترجیح ،آئی جی سندھ

کراچی (این این آئی)آئی جی سندھ امجد جاوید سلیمی نے کہا ہے کہ امن و امان کا قیام اور شفاف انتخابات کا انعقاد اولین ترجیح ہے ۔دیگر قانون نافذ کرنے والے اداروں کے ساتھ مل کر حالات پر قابو پالیں گے ۔ان خیالات کا اظہار انہوں نے جمعہ کو سینٹرل پولیس آفس میں اپنے عہدے کا چارج سنبھالنے کے بعد میڈیا سے بات چیت کرتے ہوئے کیا ۔نئے آئی جی سندھ کا آفس پہنچنے پر ایڈیشنل آئی جی سندھ آفتاب پٹھان،ایڈیشنل آئی جی ٹریفک غلام قادر تھیبو کراچی پولیس چیف اور پولیس افسران نے استقبال کیا ۔امجد جاوید سلیمی کو پولیس بینڈ کی جانب سے گارڈ آف آنر اور سلامی دی گئی۔میڈیا سے بات چیت کرتے ہوئے آئی جی سندھ نے کہا کہ الیکشن کے حوالے سے اجلاس منعقد کیے جارہے ہیں ۔عام انتخابات میں سندھ کے حالات کو مدنظر رکھتے ہوئے مجھے مثبت طریقے سے میڈیا کے تعاون کی ضرورت ہے ۔ہمارا کام جرائم اور حالات پر قابو پانا ہے ۔

آئی جی سندھ

مزید : صفحہ آخر