صارفین کے حقوق کا تحفظ حکومت کی بنیادی ذمہ داری ہے ،وزیراعلیٰ پنجاب
لاہور(ڈیلی پاکستان آن لائن)وزیراعلیٰ پنجاب عثمان بزدار نے کہاہے کہ صارفین کے حقوق کا تحفظ حکومت کی بنیادی ذمہ داری ہے ،نئے پاکستان میں صارفین کو ان کے جائز حقوق دیں گے ،صوبہ بھر میں کنزیومر پروٹیکشن ایکٹ نافذکیاجاچکا ہے۔
وزیراعلیٰ پنجاب عثمان بزدار نے صارفین کے حقوق کے تحفظ کے عالمی دن پر اپنے پیغام میں کہاہے کہ صارفین کے حقوق کا تحفظ حکومت کی بنیادی ذمہ داری ہے ،صارفین کے حقوق کا تحفظ حکومت کی ترجیحات میں شامل ہے ۔
انہوںنے کہاکہ پنجاب حکومت صارفین کے حقوق کے تحفظ کیلئے ضروری اقدامات کررہی ہے،نئے پاکستان میں صارفین کو ان کے جائز حقوق دیں گے ،صوبہ بھر میں کنزیومر پروٹیکشن ایکٹ نافذکیاجاچکا ہے۔