50گیندوں پر ایک سکور ، مصباح کی والدہ کی بیٹے سے باز پرس

50گیندوں پر ایک سکور ، مصباح کی والدہ کی بیٹے سے باز پرس
 50گیندوں پر ایک سکور ، مصباح کی والدہ کی بیٹے سے باز پرس

  

لاہور(سپورٹس رپورٹر )ڈومینکا میں جاری پاکستان اور ویسٹ انڈیز کے فیصلہ کن ٹیسٹ میچ میں کپتان مصباح الحق نے 50گیندوں پر صرف 1رن بنا کر نیا ریکارڈبنا دیا تاہم ان کی والدہ کویہ ریکارڈ زیادہ پسند نہ آیا تو بیٹے کو فون کر کے اپنے دل کی بات بتا دی۔نجی ٹی وی چینل سے گفتگو کرتے ہوئے مصباح الحق کی والدہ نے بتا یا کہ جب مصباح الحق کو کیریئر کے آخری میچ میں 50رنز پر صرف ایک سکور بناتے دیکھا تو میں حیران رہ گئی۔اس کے بعد بیٹے سے ٹیلی فونک گفتگو کے دوران والدہ نے حیرانگی سے استفسار کیا کہ تم نے 50گیندوں پر صرف 1رن کیوں بنا یا ؟جس پر مصباح الحق نے ہنسنا شروع کردیا۔والدہ نے مصباح الحق سے کہا کہ تمہاری بیوی کو اس کارکردگی سے کوئی مسئلہ نہیں ہے لیکن اگر میرے شوہر نے ایسا کام کیا ہوتا تو میں ان سے سختی سے پوچھتی کے ایسا کیوں کیا ؟اس بات پر والدہ اوربیٹے نے ہنسنا شروع کردیا۔انہوں نے بتا یا کہ مصباح الحق بچپن سے ہی بہت محنتی تھے ،ایک دن میرے پاس آئے اور کہنے لگے ’’ماں تم میرے لیے دعا نہیں کرتی ؟‘‘جس پر میں نے کہا کہ والدین ہمیشہ بچوں کے لیے دعا کرتے ہیں میں بھی تمہاری ترقی اور نوکری کے لیے دعائیں کرتی ہوں جس پر مصباح الحق نے کہا بس اسی لیے میرا کام نہیں ہو رہا ،آپ میرے لیے دعا کریں کہ میں پاکستان کی نمائندگی کروں جس پر میں نے کہا کہ تمہارے لیے یہ دعا بھی کر دوں گی۔

مزید :

کھیل اور کھلاڑی -