ڈکیتی چوری کی وارداتیں ، شہری لاکھوں کی نقدی زیورات و دیگر قیمتی سامان سے محروم
لاہور(خبرنگار)صوبائی دارالحکومت کے مختلف علاقوں میں ڈاکوؤں چوروں نے مختلف وارداتوں کے دوران متعدد شہریوں کو لاکھوں روپے مالیت کی نقدی،طلائی زیورات،موبائل فون،کاروں و موٹرسائیکلوں سے محروم کر دیا۔تفصیلات کے مطابق اسلام پورہ کے علاقہ میں ڈاکوؤں نے تنویر احمد اور فیملی سے 13لاکھ مالیت کی نقدی و طلائی زیورات, شیراکوٹ میں عامر اور فیملی سے 11لاکھ 50ہزار لاکھ مالیت کی نقدی و طلائی زیورات،نواب ٹاون میں ڈاکوؤں نے امتیاز اور فیملی سے 9 لاکھ مالیت کی نقدی و طلائی زیورات،باغبانپورہ سے ڈاکوؤں نے اشرف اور فیملی سے 8لاکھ مالیت کی نقدی و طلائی زیورات،کاہنہ سے ڈاکوؤں نے فرحان اور فیملی سے 7 لاکھ50ہزار مالیت کی نقدی و طلائی زیورات،شادباغ کے علاقہ سے ڈاکوؤں نے ارشاد اور فیملی سے6 لاکھ مالیت کی نقدی و طلائی زیورات ،مانگامنڈی علاقہ سے ڈاکوؤں ولید سے 4لاکھ مالیت کی نقدی و طلائی زیورات، مصطفی ٹاون کے علاقہ سے ڈاکوؤں نے زبیراور فیملی سے 3 لاکھ مالیت کی نقدی و طلائی زیورات،غالب مارکیٹ کے علاقہ سے ڈاکوؤں نے ابرار اور فیملی سے 2 لاکھ مالیت کی نقدی و طلائی زیورات، فیصل ٹاون ڈاکوؤں نے امتیازاور فیملی سے 2 لاکھ مالیت کی نقدی و طلائی زیورات، سمن آباد سے لیاقت علی اور فیملی سے 3 لاکھ مالیت کی نقدی و طلائی چھین لیے گئے۔جبکہ ٹاون شپ ، اقبال ٹاون اورستوکتلہ سے کاریں اوررنگ محل ، مناواں ، کوٹ لکھپت ، فیکٹری ایریا ، ساندہ اور قائداعظم انڈسٹریل ایریا سے موٹرسائیکلیں چوری کر لی گئیں۔
