سانحہ ماڈل ٹاؤن: مزید تین گواہوں کے بیانات قلمبند
لاہور(نامہ نگار)انسداد دہشت گردی کی عدالت نے سانحہ ماڈل ٹاؤن استغاثہ کی سماعت آج 15مئی تک ملتوی کردی ،گزشتہ روز مقدمہ نمبر510/14 میں عدالت کے روبرو مزید تین گواہان کے بیان قلمبند کروائے،عوامی تحریک کے وکیل مرزا نوید بیگ نے گواہوں کے بیانات پر جرح کی ،عدالت میں گواہوں کانسٹیبل غلام علی ، محمد افضل اور کانسٹیبل عبدالستار نے بیان قلمبند کروائے ہیں۔انسداد دہشت گردی کی عدالت نمبر دو کے جج اعجاز حسن اعوان نے استغاثہ پر سماعت کی۔