ایم کیو ایم نے شہر میں نفرت کی سیاست کو فروغ دیا،نثار کھوڑو

ایم کیو ایم نے شہر میں نفرت کی سیاست کو فروغ دیا،نثار کھوڑو

کراچی(اسٹاف رپورٹر) پاکستان پیپلز پارٹی کے رہنماؤں نے کہا کہ ہے کہ ملک دشمن کراچی میں امن نہیں چاہتے ہیں۔ ایم کیو ایم نے شہر میں نفرت کی سیاست کو فروغ دیا۔ پیپلز پارٹی شہر میں تمام قومیتوں کو ملانا چاہتی ہے۔ عمران خان کراچی میں ایک نشست بھی جیت نہیں سکتے۔ ان خیالات کااظہار پیپلز پارٹی سندھ کے صدر نثار احمد کھوڑو نے ضلع کورنگی میں منعقدہ پروگرام سے خطاب کرتے ہوئے کہی۔ اس موقع پر سندھ کے جنرل سیکریٹری وقار مہدی،صوبائی وزیر سعید غنی، راشد حسین ربانی، صوبائی وزیر ناصر حسین شاہ،ایم پی اے جاوید ناگوری، ایم پی اے شہلا رضا، جاوید شیخ، چوہدری اصغر آرائیں، صوبائی وزیر مرتضیٰ بلوچ، ذوالفقار قائم خانی،امان اللہ مسعود، مرزا مقبول ، شکیل چوہدری، ودیگر موجود تھے۔ جلسہ میں معروف سماجی رہنما عمران حیدر عابدی نے اپنے ساتھیوں سمیت پیپلز پارٹی میں شمولیت کا اعلان بھی کیا۔ نثار احمد کھوڑونے کہا کہ چیئرمین پی پی پی بلاول بھٹو زرداری نے ایک پارٹی کی دم پر پاؤں رکھ دیا ہے۔ مصطفی کمال نے فاروق ستار سے ان کی پارٹی تک چھین لی۔ 12مئی کو ایم کیو ایم اور پی ٹی آئی مشرف کے ساتھ کھڑی تھیں۔ مشرف کے ریفرنڈم کو عمران خان نے سپورٹ کیا۔ سعید غنی نے کہا کہ کراچی شہر کا ہر تیسرا آدمی حالات سے پریشان تھا۔ ایم کیو ایم نے شہر میں نفرت کی سیاست کو فروغ دیا۔ ہم شہر میں تمام قومیتوں کو ملانا چاہتے ہیں۔ انہوں نے کہا کہ یہ کراچی والوں کی خوش قمستی ہے کہ انہیں بلاول بھٹو زرداری جیسا نوجوان لیڈر ملا ۔ انہوں نے کہا کہ بلاول بھٹو زرداری طلوع ہورہا ہے جبکہ دیگر جماعتیں غروب ہورہے ہیں۔ پی ٹی آئی ایم کیو ایم کی بی ٹیم ہے۔

Back to

مزید : کراچی صفحہ اول