پاکستان نے آئر لینڈ کو تاریخی ٹیسٹ میں شکست دے کر میچ کو تاریخی بنا دیا،بابر اعظم اور امام الحق کی شاندار نصف سینچریاں
ڈبلن (ڈیلی پاکستان آن لائن)امام الحق کی 74رنز کی شاندار ناقابل شکست اننگ کی بدولت پاکستان نے آئرلینڈ کو تاریخی ٹیسٹ میں 5وکٹوں سے شکست دے کر مخالف ٹیم کے پہلے ٹیسٹ میچ کو تاریخی بنا دیاہے۔
تفصیلات کے مطابق پاکستانی ٹیم نے آئر لینڈ کی جانب سےدیئے گئے 160 رنز کے ہدف کے تعاقب میں بیٹنگ کا آغاز کیا تو مخالف ٹیم کے باولرز نے قہر برپا کرتے ہوئے پاکستان کی تین وکٹیں صرف 14 رنز پر گرا دیں جس کے بعد میچ ہاتھ سے نکلتا ہوا دکھائی دینے لگا لیکن امام الحق اور بابر اعظم نے ٹیم کی کامیابی کا بیڑا اٹھایا اور انتہائی ماہرانہ انداز میں بلے بازی کرتے ہوئے زبردست شراکت کے ساتھ ساتھ نصف سینچریاں بنا کر قومی ٹیم کو جیت دلوائی ۔
یہ بھی پڑھیں۔۔۔”میں نواز شریف کا انٹرویو کرنے نہیں گیا تھا بلکہ۔۔۔“ قومی سلامتی کے اجلاس کے بعد نواز شریف کا انٹرویو کرنے والے سرل المیڈا کا بیان بھی سامنے آ گیا، انٹرویو کب، کہاں اور کیسے کیا؟ سب کو حیران کر دیا
پاکستان کی پہلی وکٹ صرف 2 کے مجموعی سکور پر گری جب اظہر علی مرتغ کی گیند پر سٹرلنگ کے ہاتھوں کیچ ہو گئے جبکہ 13 کے مجموعی سکور پر حارث سہیل بھی 7 رنز بنا کر جوئیس کی گیند پر رینکن کے ہاتھوں کیچ ہو گئے۔ پاکستان کی تیسری وکٹ صرف 14 کے مجموعی سکور پر گری اور اسد شفیق بھی 1 کے انفرادی سکور پر مرتغ کی گیند پر کلین بولڈ ہو گئےتاہم اوپننگ پر آئے امام الحق نے 70 گیندوں پر شاندار کھیل پیش کرتے ہوئے 57 رنز بنا لیے ہیں۔ان کے علاوہ بابر اعظم نے بھی 114گیندوں پر 59رنز بنائے۔ان کے علاوہ قومی ٹیم کے کپتان سرفراز احمد صرف 8 رنز بنانے میں ہی کامیاب ہوئے۔شاداب خان 4 رنز کے ساتھ ناقابل شکست رہے۔
#Murtagh to #AsadShafiq, Out through him, clean bowled!
— Ajmal Jami (@ajmaljami) May 15, 2018
Pak 14/3 chasing 160. #PAKvIRE pic.twitter.com/bbOmaLXgkA
قبل ازیں آئرلینڈ کی ٹیم دوسری اننگز میں 339 رنز بنا کر آﺅٹ ہو گئی اور پاکستان کو میچ جیتنے کیلئے 160 رنز کا ہدف دیا۔ میزبان ٹیم نے پانچویں روز 7 وکٹوں کے نقصان پر 319 رنز سے اپنی دوسری اننگز شروع کی لیکن اس کے آخری تینوں کھلاڑی محض 20 رنز کا اضافہ کر سکے۔ آئرلینڈ کی جانب سے کیون اوبرائن نے سب سے زیادہ 118 رنز بنائے اور محمد عباس کی گیند پر حارث سہیل کے ہاتھوں کیچ ہوئے۔
پاکستان کی جانب سے محمد عباس نے 66 رنز دے کر 5 وکٹیں حاصل کیں اور محمد عامر نے 63 رنز دے کر 3 کھلاڑیوں کو آﺅٹ کیا جبکہ شاداب خان نے ایک وکٹ حاصل کی۔
واضح رہے کہ آئرلینڈ کی ٹیم ٹیسٹ کا درجہ ملنے کے بعد اپنا پہلا ٹیسٹ میچ کھیل رہی ہے۔ڈبلن میں میچ کے پانچویں روز بارش کی بھی پیش گوئی ہے اور اگر ایسا ہوا تو میچ ڈرا ہوسکتا ہے۔