عوامی شکایات ‘ سوشل میڈیا اور پورٹل سسٹم سے مدد لینے کا فیصلہ ‘ذرائع

عوامی شکایات ‘ سوشل میڈیا اور پورٹل سسٹم سے مدد لینے کا فیصلہ ‘ذرائع

مظفرگڑھ(نامہ نگار) چیف منسٹر پنجاب شکایات سیل وومن ونگ کی چیئرپرسن مہناز سعید سے مجلس شہریاں ضلع مظفرگڑھ کے صدر رانا امجد علی امجد ایڈووکیٹ کی سربراہی میں شہریوں کے ایک وفد نے ان کی رہائش گاہ پر ملاقات کی. وفد سے گفتگو کرتے ہوئے انہوں نے کہا کہ پنجاب بھر کے تمام اضلاع (بقیہ نمبر52صفحہ12پر )

میں ڈپٹی کمشنرز کے دفاتر میں شکایات بکس رکھے جائیں گے. جس میں شہری اپنی شکایات لکھ کر ڈال دیں گے جسے روزانہ کی بنیاد پر کھولا جائے گا.اور موصولہ شکایات کے فوری ازالے کے لئے اقدامات کئے جائیں گے. انہوں نے کہا کہ سوشل میڈیا اور پورٹل سسٹم سے بھی مدد لی جائے گی. مہناز سعید نے کہا کہ شکایات سیل کو فعال بنانے پر کام ہو رہا ہے جس کے لئے الگ سے ایپ متعارف کرائی جائے گی. انہوں نے کہا کہ تحریک انصاف ملک میں قانون و انصاف کی بالادستی اور کرپشن فری ملک بنانے پر عمل پیرا ہے. اگرچہ مسائل اور وسائل کی کمی کا بھی سامنا ہے لیکن خوشحالی کا جو مشن اور ایجنڈہ لے کر تحریک انصاف برسراقتدار آئی ہے اسے بہر صورت پورا کیا جائے گا. اس موقع پر مختیار چوغطہ, ندیم قریشی, محمد عامر ڈوگر اور ڈپٹی ڈائریکٹر اطلاعات مظفرگڑھ شہزاد خان بھی موجود تھے. 

عوامی شکایات

مزید : ملتان صفحہ آخر