ہیکرز سرکاری افسران کے وٹس ایپ ہیک کرنے میں سرگرم

  ہیکرز سرکاری افسران کے وٹس ایپ ہیک کرنے میں سرگرم

  

اسلام آباد(مانٹیرنگ ڈیسک) ہیکرز سرکاری افسران کے وٹس ایپ ہیک کرنے میں سرگرم ہوگئے۔ کابینہ ڈویڑن کی جانب سے سرکاری افسران کے لئے ایڈوائزری جاری کر دی گئی ہے۔کابینہ ڈویڑن کی جانب سے جاری ہونے والی ایڈوائزری کے مطابق سرکاری افسران کو وٹس ایپ سے ایس ایم ایس موصول ہو رہے ہیں جس میں ایک لنک دیا ہوتا ہے اور اس لنک پر کلک کرنے اور کوڈ ڈالنے کا کہا جاتا ہے، ایس ایم ایس پر موصول ہونے والے ہدایات پر عملدرآمد سے انٹرنیشل نمبر سے کال موصول ہوتی ہے اور فون میں وٹس ایپ کا سارا ڈیٹا ہیک ہوجاتا ہے۔کابینہ ڈویڑن کی ایڈوائزری میں سرکاری افسران کو ہدایت کی گئی ہے کہ وہ اپنے نمبر کی تصدیق کے لئے وٹس ایپ کا کوئی کوڈ استعمال نہ کریں، افسران اپنے دوستوں یا کنٹیکٹ لسٹ میں کسی سے بھی موصول ہونے والا کوڈ استعمال نہ کریں۔ ایڈوائزری میں افسران کو ہدایت کی گئی ہے کہ وہ انٹرنیشنل نمبر سے اس سلسلے میں کوئی کال ریسیو نہ کریں۔

سرکاری افسران

مزید :

صفحہ آخر -