توشہ خانہ ریفرنس، عدالت نے نوازشریف اور آصف زرداری کو طلب کر لیا ، بڑی خبر آ گئی

توشہ خانہ ریفرنس، عدالت نے نوازشریف اور آصف زرداری کو طلب کر لیا ، بڑی خبر آ ...
توشہ خانہ ریفرنس، عدالت نے نوازشریف اور آصف زرداری کو طلب کر لیا ، بڑی خبر آ گئی

  

اسلام آباد (ڈیلی پاکستان آن لائن ) توشہ خانہ ریفرنس میں احتساب عدالت نے نواز شریف اور آصف علی زرداری کو طلب کر لیا ہے ، سابق وزیراعظم یوسف گیلانی بھی توشہ خانہ ریفرنس میں 29 مئی کو عدالت پیش ہوں گے۔

تفصیلات کے مطابق جعلی اکاونٹس کیس میں اہم پیشرفت ہوئی ہے اور توشہ خانہ ریفرنس پر سماعت کے دوران نیب نے عدالت کو آگاہ کیا کہ آصف زرداری اور نواز شریف نے یوسف رضا گیلانی سے غیر قانونی طور پر گاڑیاں حاصل کیں، آصف زرداری نے گاڑیوں کی صرف 15 فیصد ادائیگی کی جو جعلی اکاونٹس کے ذریعے ادا کی گئی۔ نیب کے مطابق آصف زرداری کو بطور صدر، لیبیا اور یو اے ای سے بھی گاڑیاں تحفے میں ملیں، آصف زرداری نے گاڑیاں توشہ خانہ میں جمع کرانے کے بجائے خود استعمال کیں۔

نیب کی جانب سے نواز شریف سے متعلق عدالت کو بتایا گیا کہ سال 2008 میں وہ کسی بھی سرکاری عہدے پر نہیں تھے، اس کے باوجود نوازشریف کو بغیر کوئی درخواست دیئے توشہ خانے سے گاڑی مہیا کی گئی۔ گاڑیوں کی ادائیگی عبدالغنی مجید نے جعلی اکاونٹس سے کی ، انورمجید نے 2 کروڑسے زائدکی غیرقانونی ٹرانزیکشنز کیں، انورمجیدنے آصف زرداری کے اکاونٹس میں 9.2 ملین روپے منتقل کیے، ملزمان نیب آرڈیننس کے تحت کرپشن کے مرتکب ہوئے ۔

مزید :

اہم خبریں -قومی -