اسرائیل کی زمینی فوج غزہ میں داخل ہوئی تو ۔۔۔حماس نے دبنگ اعلان کرتے ہوئے صیہونی فوج کو خبردار کردیا 

اسرائیل کی زمینی فوج غزہ میں داخل ہوئی تو ۔۔۔حماس نے دبنگ اعلان کرتے ہوئے ...
اسرائیل کی زمینی فوج غزہ میں داخل ہوئی تو ۔۔۔حماس نے دبنگ اعلان کرتے ہوئے صیہونی فوج کو خبردار کردیا 

  

غزہ(ڈیلی پاکستان آن لائن)فلسطین کی مزاحمتی تنظیم’حماس‘نےکہاہےکہ اگراسرائیل کی زمینی فوج غزہ میں داخل ہوئی تو یہ اس کی تباہی کا پیش خیمہ ثابت ہو گا،حماس کے جنگجو کسی بھی زمینی حملے کا منہ توڑ جواب دینے کے لئے بالکل تیار ہیں اور اسرائیل کو اس کے جنگی جرائم کا بھرپور جواب دیا جائے گا۔

ترک میڈیا کے مطابق حماس کے ترجمان صالح العروری نے کہا ہے کہ فلسطین کی مزاحمتی تنظیمیں اسرائیل کی زمینی فوج کا مقابلہ کرنے کے لئے بالکل تیار ہیں، اس سے پہلے بھی اسرائیل کی زمینی فوج کا مقابلہ کیا ہے اور آئندہ بھی کریں گے۔

انہوں نے کہا کہ قابض فوج کے لئے زمینی حملہ انتہائی خطرناک ثابت ہو گا اور اسرائیلی فوج کو اس وقت تک واپس نہیں جانے دیا جائے گا جب تک طاقت کا توازن تبدیل نہیں ہو جاتا، حماس کا زمینی حملہ کرنے کی صلاحیت اس کے میزائل حملوں سے زیادہ بہتر اور فعال ہے،اس وقت اسرائیل کے زیر قبضہ مغربی کنارے، غزہ کی پٹی اور گرین لائنز میں عرب آبادی اسرائیل کے لئے تباہی کا پیش خیمہ ثابت ہو گی۔

اسرائیل کی مزاحمتی تنظیم حماس کی عزالدین القسام بریگیڈز نے اپنے تمام جنگجوؤں سے کہا ہے وہ اسرائیل کے زمینی حملے کا جواب دینے کے لئے تیار رہیں۔

مزید :

بین الاقوامی -