سرکاری سکولوں میں ٹیچنگ کے لئے نیا معیار مقرر 

لاہور (لیڈی رپورٹر)محکمہ سکول ایجوکیشن نے سرکاری سکولوں میں ٹیچنگ کے لیے نیا معیار مقرر کردیا،اب ٹیچر بننے کے لیے سرٹیفکیٹ لینا لازمی ہوگا۔نئی بھرتی کے لیے محکمہ سکول ایجوکیشن نے سرٹیفکیٹ کی شرط رکھ دی ہے،سرٹیفکیٹ تھرڈ پارٹی سے لینا لازمی ہوگا البتہ موجودہ اساتذہ کو سرٹیفیکیٹشن سے استثنیٰ حاصل ہوگا۔محکمہ سکول ایجوکیشن نے تعلیم کیمعیار کو بہتر کرنے کے لیے نئے روڈ میپ پر کام کرنا  شروع کردیاہے۔اس حوالے سے صوبائی وزیر تعلیم رانا سکندر حیات کا کہنا ہے کہ سرٹیفکیٹشن کی شرط سے صرف اچھے ٹیچرز سامنے آئیں گے،اچھے ٹیچرز کے حصول کے لیے مذکورہ منصوبہ اہم ہے۔