ڈیرہ تعلیمی بورڈ کا اجلاس، 27نکاتی ایجنڈے پر اہم فیصلے
ڈیرہ غازیخان(بیورو رپورٹ)ثانوی و اعلی ثانوی تعلیمی بورڈ ڈی جی خان کے بورڈ آف گورنرز کا 169 واں اجلاس منعقد ہوا جس کی صدارت کمشنر/ چیئرمین کی نمائندگی کرتے ہوئے ایڈیشنل کمشنر کوآرڈینیشن کریم بخش نے کی۔بورڈ آف گورنرز نے 27 نکاتی ایجنڈے پر اہم فیصلے کیے۔ اجلاس میں بورڈ ملازمین کو کارکردگی کی بنیاد پر سزا و جزا اور دیگر معاملات پر اہم فیصلے کیے گئے۔ بی او جی نے ایک سال کی کارکردگی دکھانے والے ملازمین کو خصوصی اعزازیہ دینے جبکہ نظم و ضبط،قواعد و ضوابط کی خلاف ورزی کرنے والوں کو شوکاز،سنشور کی سزائیں دینے کی بھی (بقیہ نمبر47صفحہ7پر)
منظوری دی۔بورڈ نے دوران سروس وفات پانے والے ملازم کے ورثاء کیلئے او ایس ڈی پوسٹ بنانے کی بھی منظوری دی۔پنجاب پبلک سروس کمیشن کے ذریعے خالی آسامیوں پر بھرتی کرنے اور دیگر نکات پر کمیٹیوں کی تشکیل سمیت اہم فیصلے کیے گئے۔ایڈیشنل کمشنرکریم بخش نے کہا کہ امتحانات کے شفاف انعقاد کیلئے ملکر کام کیا جائیگا۔طلباء و طالبات کا مستقبل بورڈ کے امتحانات سے منسلک ہے انہیں پرسکون امتحانی ماحول فراہم کرنا ہماری اولین ترجیح ہونی چاہیئے۔اجلاس میں ایڈیشنل سیکرٹری نعمان حفیظ نے ویڈیو لنک کے ذریعے شرکت کی سیکرٹری تعلیمی بورڈ عبدالرحمن چوہدری نے ایجنڈا سے متعلق بریف کیا۔اجلاس میں وسیم اختر،ڈاکٹر اللہ بخش گلشن،ڈاکٹر شکیل احمد اور دیگر اراکین موجود تھے۔
