سرگودھا: سمگل شدہ پیٹرول اور ڈیزل فروخت کرنے والے 12 پمپ سیل

سرگودھا (ڈیلی پاکستان آن لائن ) سمگل شدہ پیٹرول اور ڈیزل فروخت کرنے والوں کے خلاف کارروائی کے دوران 12 پمپ سیل کردیئے گئے ۔
روز نامہ امت کے مطابق ایڈیشنل ڈپٹی کمشنر نے کہا ہے کہ 12 پیٹرول پمپ اور غیرقانونی پٹرول ایجنسیاں سیل کر دی گئی ہیں۔ دوران کارروائی سرکاری افسران اور گاڑیوں کو نقصان پہنچایا گیا، 130 سے زائد افراد کے خلاف ہنگامہ آرائی کا مقدمہ درج کیا گیا ہے۔ایڈیشنل ڈپٹی کمشنر کا کہنا ہے کہ 200 سے زائدپٹرول پمپ مالکان اور منی ایجنسیاں سمگلنگ میں ملوث ہیں۔دوسری جانب پیٹرول و ڈیزل ڈیلرز نے کاروائیوں کے خلاف احتجاج کرتے ہوئے کہا کہ بغیر کسی نوٹس کے کریک ڈاﺅن کر کے زیادتی کی گئی ۔