اسلام آباد (اے پی پی) اکتوبر کے مہینے میں ملک میں 6ہزار682 یونٹ ٹریکٹروں کی پیداواراور6 ہزار348 یونٹ کی فروخت ہوئی ۔رواں مالی سال کے ابتدائی چارمہینوں میں ملک میں ٹریکٹروں کی پیداوارمیں گزشتہ مالی سال کے اسی عرصہ کے مقابلے میں 7.6 فیصد کی کمی ریکارڈ کی گئی ہے۔ آل پاکستان آٹوموٹومینوفیکچررزایسوسی ایشن کے اعدادوشمارکے مطابق جولائی سے لیکراکتوبر2018ء تک ملک میں 20 ہزار321 یونٹ ٹریکٹروں کی پیداواراور 20 ہزار79 یونٹ کی فروخت ریکارڈ کی گئی۔جوگزشتہ مالی سال کے اسی عرصہ کے مقابلے میں 7.6 فیصد کم ہے۔ گزشتہ مالی سال کے ابتدائی چارماہ میں ملک میں 21ہزار751 یونٹ ٹریکٹروں کی پیداواراور21 ہزار757 یونٹس کی فروخت ریکارڈ کی گئی تھی۔ اعدادوشمارکے مطابق اکتوبر کے مہینے میں ملک میں 6ہزار682 یونٹ ٹریکٹروں کی پیداواراور6 ہزار348 یونٹ کی فروخت ریکارڈ کی گئی ۔ جبکہ اکتوبر2017ء کے دوران ملک میں 6 ہزار 133 یونٹ ٹریکٹروں کی پیداواراور6 ہزار47 یونٹ کی فروخت ریکارڈ کی گئی تھی۔ ان میں فیئٹ، میسی فرگوسن اوراورئنٹ آئی ایم ٹی کے ٹریکٹرز شامل ہیں۔