ڈبل سواری پر پابندی عائد ہو گئی مگر کس صوبے میں؟ آپ بھی جانئے

کراچی (ڈیلی پاکستان آن لائن) حکومت سندھ نے ماہ ربیع الاوّل کے موقع پر صوبے بھر میں دفعہ144نافذ کردی ہے اور موٹر سائیکل کی ڈبل سواری پر بھی 14روز کی پابندی لگا دی گئی جس کا محکمہ داخلہ نے نوٹیفکیشن جاری دیا ہے۔
تفصیلات کے مطابق سندھ حکومت نے ماہ محرم کے بعد ایک بار پھر امن و امان کے پیش نظر ماہ ربیع الاوّل میں صوبے بھر میں میں دفعہ144نافذ کردی۔محکمہ داخلہ سندھ کے جاری کردہ حکم نامہ میں دفعہ144کے تحت موٹر سائیکل کی ڈبل سواری پر بھی پابندی ہوگی اور اس کا اطلاق ربیع الاوّل کی20تاریخ تک ہوگا۔
سندھ میں 14 روز تک12ربیع الاوّل کی محافل نعت، اور جلوسوں کے علاوہ5سے زائد افراد کے ایک جگہ اکٹھے ہونے پر پابندی عائد کردی گئی ہے، دفعہ 144کانفاذ 20ربیع الاول تک ہوگا۔محکمہ داخلہ سندھ کانوٹیفکیشن کے مطابق نفرت انگیز تقاریر پر مبنی آڈیو اور ویڈیو بیانات چلانے پر پابندی ہوگی، اس کے علاوہ لاؤڈ اسپیکر پر پابندی اور اسلحہ لے کر چلنے کے تمام اجازت نامے بھی منسوخ کردیئے گئے ہیں۔